LIWI 26:39 - OTSAO BAIBEL (BSI)

³⁹ Hünzom tamchu pupa hwom ochax khoma opang mix chaxwan to ozün ma tüilaxpuix ibu ngaxchu ngatto zaüi.

LIWI 26:39 ပူးပေါင်းရင်းမြစ်များ

EZEKEL 4:17

Hwom an hia ti bakle shuüi; hwom a khosam ashukle changüi, ilaxle hwom ochaxbu khoma hwom a azuk-atsyale chang ang tomüi.”

EZEKEL 33:10

Jowanpae ku füi zangwünle thüi: “Ziün angkya khünak, Israel nok hama, hwome akaxle ngokya kax ija noxle akaxkox: ‘Kwom to kwom ochax hia thaikya mwot, ibu hüne müimamale lixle. Kwom a na-jua le maxle. Kwom ozün ma chemle ngothoüi?’

EZEKEL 24:23

Hünzom a khanghua ma chichangba cha hua ma chichangba mang sople chichangba awaole münngoüi. Hünzom ochaxbu khoma hünzom a azuk-atsyale paoüi, ilaxle hünzom a tata zongto wotüi.

EZEKEL 6:9

Hwom ikhato zandabu ang achangle ngoüi. Ekhato hwome ku tikle laxüi ilaxle hwom to sikangünkya hia zak akopkya a, ku changpule hwome awan ang tomüi, chemthüikoxle hwom hopa hwome ku to mongong chithomkya künmong füi jatle awüt ilaxle chapabu to mix künle kop. Ilaxle mae mokle hüikya ochax hia zakkop mwotbu khoma hwome alüile thajao wünhai ataküi.

TSAITONG-KAXTONG 28:65

Tüta khatochu hünzome mongsom münatak, mating mahaxle thüi angkya ojongkha chu chitüile changüi; Jowanpae hünzom a sung-zaokya, mongmaxkya hia jepakya, ibue alumle chang ang tomüi.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

ZEKARIA 10:9

Kue hwom chaxwan tok to chiakle sam ang tomdaobachu, ibachu ochuchu tokhange hwome ku texle ataküi. Hwom tamchu hwom su-sa hwom chimaxle azangüi ilaxle tomle ma chaxwan to chatüi.

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

EZEKEL 36:31

Hünzome mokle changdaokya ochax hia thaikya mwotbu hünzome texle ataküi, ilaxle hünzom ochax lyenle hia thaile changdaokya khoma ma füi alüile nushix dongle changüi.

EZEKEL 20:43

Ipongma hünzome chemtukuxle zakkop mwot mokle hüidaopuix tamchu hünzom chitsaokya ang achangle hüidaopuix ibu hünzome texle ataküi. Hünzome mokle hüidaokya ochax mwot pangwüi makhange hünzom a alüile nushix dongle thütüi.

EZEKEL 18:19

“Ikoxle nang atüipu: ‘Hopa ochax khomale sasün sik büthüikoxle ngün angkya?’ Ija kaxlan a ile changpu, ija sasüne chem supuix tamchu chem müipuix ijaja mokpu. Chixe ku wanlombu khile thompu ilaxle ibu lom ma lepu, idaile chix ozün ma ngo angkya wüi changpu.

MANGSOP 4:9

Pongwang ma zan ma maxkyabu wüi ofüima zikyabu füi müikya ang chang, chemthüikoxle hwom a ma ozün ma thom angkya süt chitüi laxle zazele woknuake tix lang.

JEREMIA 31:29

Chemtue ija hanpak nguile hüiüihex: ‘Nu-pa hwome grep osik sax, Ikoxle ija osike su-sa hwom ang wa tsom, le khünaknue chithüiüi.’

JEREMIA 29:12

Ipongma hünzome ku nyaküi. Hünzom nguilaxle ku to jop-tole changüi ilaxle kue hünzom zangjop to lanüi.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

TSAITONG-KAXTONG 30:1

“Athax kue hünzom ang mohiman hia othuak-ozom tütapu thüichu zünle kop ang danpu. Chemtue ibu pangwüi hünzom to changle hüiüihex, ilaxle hünzom a Jowanpa hünzom Zang-e chiakle asamkya mixnok chaxwan to ngole asule changpongma, kue hünzom ang omüi-oma nyi bama zün ang dankya hünzome texle ataküi.

TSAITONG-KAXTONG 5:9

Chapa tong to shwomle taxakhux, chemthüikoxle Jowanpa ku a hünzom Zang changpu. Kue ku füi alünkya adu ang müntho. Kue ku thua anukya mix to sutai sulai to lünle sikngün apong ang tomüi.

HUAKE LAIPEX 14:18

‘Ku a Jowanpa, chwonle mongtsik-mongmakya mix münchang, kue mongkün hia mongong ahopu tamchu ku zongto ochax lyenkya hia chichang-chizangle tüikyabu thaikya alakpu. Ikoxle chutix hwom pupa hwom ochax khoma, hwom su-sabu to sutai-sulai alople kue sikngün chifa homtoxle münngo’ le akax pongkya nangtsak-nangzong ngaile ahohüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

ISAIA 14:21

Mikmüt owang naxwang! Hwom pupa hwom ochaxbu khoma ija wanghompa su-sa hwom ziüi. Hwom opupuechu ija chaxwan to apünle chichangba ija ma tingnubue awangle chang ang müntom.

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.

MANGSOP 1:3

Judah angkya khünaknu a chingcha ashukle dabu ang hwomkha angkya atsangle pao. Hwom a mixnok chaxwanbu to ngo, mamixle nyak angkya owa chitüikya nok to— Zanbue akhoplaxle, paole azang angkya olom jao chitüile.

TSAITONG-KAXTONG 8:20

Hünzome Jowanpa kax ma laxle chitüi thüiningle, hünzom nguikya zuma, hünzome amüt angkya jat-libu ningle chixe hünzom chuwüi max ang tomüi.

2 PUKAX-PANGAO 34:24

ibibi kaxho akaxle kox angkya hwom füi akax: “Oja wanghompa-e atatle ija laipex ma zale tüikya othuak-ozom kax ele atat daopuix, ija othuak-ozom füi kue Jerusalem hia ima tüikya khünaknu to sikangün angkya changle.

IZRA 9:7

Kwom pupa hwom tsün tokhange athax kople, kwom, nang khünaknubue huanuma ochax lyenle hüidaoa. Kwom ochaxbu khoma kwom, kwom wanghom hwom, ilaxle kwom nguapabu a mixnok wanghombu chak to dongle changdaoa, ilaxle kwom a lang-huak, tuinabu tsui pao, ilaxle zanda ang laxlaxle pao, le changdaoa. Anyix chemle ngopuix ija ningle kwom a komkaile hopu chitüikya chifün ma ngole hüile.