LIWI 26:30 - OTSAO BAIBEL (BSI)

³⁰ Haxhuabu to tüikya hünzom zangshwom nuibu kue amaüi, ongan müikya tö koxkya tö-tsapbu kue amaüi, ilaxle hünzom mangbu a hax to dütle tüikya chapabu ding to tswonle awütüi; ilaxle ku chasae hünzom thua anuüi.

LIWI 26:30 ပူးပေါင်းရင်းမြစ်များ

2 WANGHOMBU 23:20

Hwome thothale ngokya tö-tsap ding ma chixe zompu-zangpabu pangwüi langle awüt, ilaxle chixe tö-tsap pangnu khato wüi khünak zatuabu zokle chang. Ifüima chix a Jerusalem to chat.

ISAIA 27:9

Ikoxlechu chemtue songsari tö-tsapbu haxkhix-labu ang achangle ija ma ongan müikya so zokkya chitüi chichangba Asherah baozangchanu chapabu amütle changüihex Israel khünaknu ochax thailakkya tüiüi.

EZEKEL 6:13

Mangbu a chapabu tham to tamchu tö-tsapbu akhople chiaküi, haxkho tsuale tüikya pangkhato chiaküi, haxnukho pangkhato chiaküi, püntong hex athüithüi to chiaküi ilaxle zak pünnu tong to tiale chiaküi, hwom chapabu ang tö koxle changkya pangkha towüi chiaküi. Izuma tix noknusae ku a Jowanpa wüi changpule awanle laxüi.

JEREMIA 14:19

Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.

MÜNCHUAK-TSAI 89:38

Ikoxlechu nang a zünle kopkya nang wanghompa füi mongtsik; nange chix chilaxle ahaile awütdaoa.

2 PUKAX-PANGAO 31:1

Ija pangpwon wünzuale changkya füima, Israel khünaknu Judah haxtok angkya tingnu pangkha towüi pao ilaxle longlobu thuple ama, baozangchanu Asherah muabu dakle atsun, ilaxle songsari baozangbu to shwomkya onui hia tö-tsapbu pangwüi ama. Ija lailaile hwome mama Judah haxtok pangkha towüi, anaolechu Benjamin, Efraim, ilaxle Manasseh, ibu haxsüt to chuwüi hwon, ilaxle hwom hom to chat.

2 PUKAX-PANGAO 23:17

Ifüima hwom pangwüi Bal baozang to shwomkya nui to pao ilaxle ija dakle atsun. Ikhato tüikya tö-tsap hia chapabu thuple ama ilaxle Bal nguapa ang ngokya mixsün Mattan ibu tö-tsap tunthoma lang.

2 WANGHOMBU 23:16

Ifüima Josiah-e akhople hukoxle haxhua to chixe zuktingbu ngünle lax; chixe ibu angkya zabu lokle alai ilaxle ibu a ija tö-tsap ma zok. Chixe ile tötsap a oma ang achang, ile kaitanto wüi pangpwon tukma wanghompa Jeroboam tö-tsap zui ma ajongle tüipongma wüi ajepae ajekya kax changle laile ile mok. Wanghompa Josiah-e akhople hukoxle ajepa zukting ngünle lax.

2 WANGHOMBU 23:8

Judah nok tingnubu to tüikya zompu-zangpabu chixe Jerusalem to apüi, ilaxle chixe chix chaxwan pangkha towüi hwom töbu koxle ngokya tö-tsapbu texle atsun. Tingnu to khünaknu nopüi Noknu Zünkai zongma nongchi ma, tingnu angkya Gowarnor Jihusua-e zingkya tö-tsapbu chempang zwon-baozangbu mün ma atsaole thomkya hex, ibu pangwüi chixe pünle ama.

1 WANGHOMBU 13:2

Jowanpa kaxtom ma laxle ajepae ija tö-tsap to thuakzomle akax: “O tö-tsap, O tö-tsap, ija a Jowanpa kax changle: Dawid homkha ma Josiah le amünkya nao ngünüi. Nang ma tö koxle ngokya songsari tö-tsapbu ma zomzingle tüikya zompu-zangpabu chixe nang ding ma langüi, ilaxle chixe nang ma khünak za takle ashunüi.”

LIWI 26:15

Hünzome ku wanlombu hia kaxtombu kax ma münlaxle jangtsak ilaxle kue hünzom füi tsaotsütkya Tsaotsüt amale jangchang,

LIWI 26:11

Kue chemtuechu hünzom hato tok münaho, chemthüikoxle ku a hünzom khato ku otsao Nyihom ma ngo angkya changle.

LIWI 20:23

Ikhato tüikya mixnok wanlombu taxapüi; hünzome ija haxtok to nguitsuak angkya hanpakmale kue ibu songsaribu jwonle apaopu. Hwom ochax mwot pangwüi makhange hwome ku thajao ang tomle.

PONGWANG LAIPEX 19:13

chemthüikoxle kwome ijakha amüt angkya changle. Ikha angkya khünakbu bama kaxhux-fekya Jowanpae huanuma atatle hüidaoa ilaxle kwom a ija Sodom tingnu amüt angkya hanpakma tsanle ahüikya changpu.”

TSAITONG-KAXTONG 32:19

“Ija ngünkya zuma Jowanpa ang mongma ilaxle chix sasün hia sacha hwom chilaxle awüt.

1 WANGHOMBU 13:32

Bethel angkya tö-tsap hia Samaria angkya tingnubu ma onui-onui to zangshwomnui zaile tüikyabu hanpakma chixe Jowanpa kaxtombu chempang koxle changdaopuix ibu pangwüi changle ngai angkya jaojao changle.”

MÜNCHUAK-TSAI 106:40

Ikhoma Jowanpa ang chix khünaknu füi huanuma mongma; chix a hwom füi nushix dongkya ang chang.

EZEKEL 43:7

“Ziün angkya khünak, ku ngwotnui ikhama tüile. Ku ikhama Israel khünaknu füi tomle ngo angkya ilaxle othuithuima hwom thakma apünle ngo angkya changle. Athax Israel khünaknue wüi changlax hwom wanghombue wüi changlax owaechu, mixnokbu baozangbu to shwomkya makhange chichangba zan ma maxkya hwom wanghom hwom mangbu akhün laxle ibu chapabu ajongle changkya makhange ku otsao mün amale münchang angkya changle.

AMOS 6:8

Jowanpa Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

EZEKEL 16:39

Kue nang a hwom janzüi fang ma ngo ang tomüi, ilaxle nange chinunchakkai mwotmok nui hia chapabu to shwomkya onuibu hwome komkaile pünpakle ama ang tomüi. Hwome nang nyizabu hia nang likwünbu tsui paoüi ilaxle nang a ohua tsingtsing ma danle toxüi.

HOSIA 10:2

Khünak opang mong mix dyenkyae awangle tüipuix, athax hwome ma ochax khoma sikngün apong angkya wüi, Hwom tö-tsapbu Zang-e pünle awütüi ilaxle hwom otsao longlobu amaüi.