LIWI 26:26 - OTSAO BAIBEL (BSI)

²⁶ Kue hünzom osüt-owong lom tsyenüi, izuma hwom ma atüitüi an bakle akhao angkya hanpakma mixnu hwom bün athütlaxle tik tuita ma wüi moküi. Hwome ija hidaopong ahanle faüi, ilaxle ija saxtsuak füima ngaxchu hünzom woknuak ma wüi ngoüi.

LIWI 26:26 ပူးပေါင်းရင်းမြစ်များ

MIKA 6:14

Hünzome saxüi, ikoxlechu hünzom ang wok münafwot: itülüi athaxchu hünzom a woknuak ma wüi ngoüi. Hünzome tuina tsuile kople, ikoxlechu hünzome ibu kho-awale thom ang müntho; hünzome tütali sünle thomkyachu kue zanpabu chak to ama ang danüi.

ISAIA 3:1

Athax Jowanpa Khüthak Zang-e, Jerusalem hia Judah, khünaknue mongongle tüikya pangnuli tamchu pangwüi tswonle awüt angkya tu nguile hüi. Chixe hwom sütling hia ti-ja,

EZEKEL 5:16

Kue hünzom hato sütling apüile ngokya zak ang tomüi ilaxle hünzom a woknuak ma max ang tomüi. Hünzom amüt angkya hanpakmale pax jukya füi tsunle anopkya ningle woknuak sikngün füi hünzome apongle laxüi.

MÜNCHUAK-TSAI 105:16

Jowanpae ibu haxtok to otui-onuak ahüi ilaxle hwom sütling komle pao.

HAGAI 1:6

Hünzome sax müimamale shitdaoa, ikoxlechu hidaole wüi züt ang koppu. Hünzom ang sax angkya süt tüile, ikoxlechu hünzom hanpakma wokfwot müitang okhonguile chichang. Hünzom ang ling angkya grepti-ju tüipu, ikoxlechu hünzom to tokle lingtang chitüipu! zom ang nyi-za tüile, ikoxlechu hünzom tsangtsa alomle thomtang chichang. Üntoxle hingchak achakkyabue ifüi okhonguile ngotang achak ang chitho.

EZEKEL 14:13

Chixe thüi: “Ziün angkya khünak, Onoke ochax lyen ilaxle ku to mongong thomkya chitüile jangchang, kue ku chak thüiüi ilaxle hwome sütling kop-lole ngokya olom amaüi. Kue hwom hato tuinu-nuaknu ahüiüi ilaxle khünak hia müi tomwüile zi ang tomüi.

EZEKEL 4:16

Anaole chixe thüi: “Ziün angkya khünak, Jerusalem makhange sütli apüile ngokya lom kue tsyenüi. Hwome saxkya süt hia hwome lingkya ti tsyenle saxlingle changkya zuma ikhama tüikya khünaknu ang huanuma sikngün apongkya tüiüi.

ISAIA 9:20

Chaxwan pangnu khato wüi khünakbue hwom atak tsuakpupu pa-lole saxüi, ikoxlechu hwom wokfwot tam münmüitoxüi. Ibue masu-masa hwom ngaxchu sax angkya changle!

HOSIA 4:10

Hünzome tö koxkya kha angkya hünzom süntom saxüi, ikoxlechu wokno-tilanle wüi ngoüi. Oziak-opua fa angkya baozang to hünzome shwomüi ikoxlechu hünzom ma su-sa chitüile ngoüi, chemthüikoxle mama baozangbu füito azuiüima hünzome ku hato tok ahodaoa.”

EZEKEL 4:10

Nange nyixpong to an chakpuix azom pong wüi sax ang tomüi, ilaxle ija a ofüinyix kople ngo ang tomüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

LIWI 26:27

“Ibibile chang füima ngaxchu hünzom ku zongto tüile wüi ngo tamchu kax ma ojao chilaxle jangchang,

2 WANGHOMBU 6:25

Ile zane akhople kople thomkya khoma tingnu ma osüt-oling ma tüle tui-nole tüikya khoma mantsak khangza tuita ngaxchu khop ngunkhix 80 pong ang hang ilaxle jua-o dix 200 gram ma khop ngunkhix aga pong sax.

ISAIA 5:10

Zangdom tuita ma zaile alaikya grepti-ju pe achyet wüi fyetle tsuaküi. Khia hota puli zampa küikoxle khia bün achyet wüi kopüi.”

EZEKEL 4:17

Hwom an hia ti bakle shuüi; hwom a khosam ashukle changüi, ilaxle hwom ochaxbu khoma hwom a azuk-atsyale chang ang tomüi.”

ISAIA 9:19

Jowanpa Khüthak Zang ang mongtsik ngaikoxle, chixe chaxwan okhao angkhange zokle ashundaoa. Khünakbu a wün tak angkya ha thatha ang changdaoa; ilaxle khünak owaechu mik chiamütle matüi-manao ota toxkya müntüiüi.