LIWI 26:25 - OTSAO BAIBEL (BSI)

²⁵ Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

LIWI 26:25 ပူးပေါင်းရင်းမြစ်များ

HUAKE LAIPEX 14:12

Kue hwom hato kaknu-laknu le ang tomüi ilaxle hwom zi ang tomüi, ikoxlechu kue nang a ibu füi süluikya tamchu tsak-zongle tüikyabu hopa ang achangüi!”

EZEKEL 5:17

Kue hünzom naosombu lang ang woknuak hia faomüibu hüi ang tomüi, ilaxle hünzom lang ang a okak-olak, tuma-wanshix hia ochax-ozan, ibu ahüiüi. Ija a Jowanpa kue akaxdaoa.”

EZEKEL 33:2

Chixe thüi: “Ziün angkya khünak, haxtok tuita hato kue ochax-ozan ahüi pongma chemle changpuix, ija bama nang khünakbu hama wünkox. Ija onok tokya khünakbue hwomkha angkya to hu-mix ang kam.

EZEKEL 29:8

Athax, Jowanpa Khüthak Zang, kue akaxle ngopu, nang to sing angkya hanpakma ku ang changlo füikya süpahibu tüihule, ilaxle hwome nang khünakbu hia müibu langle awütüi.

EZEKEL 20:37

“Kue hünzom to shingmongle akumathumüi ilaxle hünzom ang ku tsaotsüt kax ma laxle ngo ang tomüi.

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

EZEKEL 6:3

Israel haxhuabu hama Jowanpa Khüthak Zang kax atat angkya akaxkox:Jowanpa Khüthak Zang, kue, haxnu, haxhua, longkun longlua hia haxsha: Onüi ibu, ojong khato khünakbue chapabu to shwomle tüipuix, ibu ama ang kue changlo apaoüi.

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

TSAITONG-KAXTONG 32:25

Ochax-ozan ma hwom tingjang lomnu to zikmüt mangkho atak ang tomüi; hwom homkhabu to tuma-wanshixkyae chakmok ang tomüi. Naocha hia naosünbu zile paoüi; Süshix-naosa hia taiko owachu shanle chitoxüi.

TSAITONG-KAXTONG 28:21

Hünzome kop angkya haxtok to hünzom okothomle machang tanto chixe hünzom hato okak-olak füima okak-olak hüi ang tomüi.

KAXHO MÜIKYA LUK 21:11

Pangnu khato huanuma bütixe sikya tüiüi, tuinu nuaknu leüi, üntoxle kaknu laknu leüi; üntoxle ding tokya tümangünkya hia za-adünkya jalibu hüiüi.

AMOS 4:10

“Kue hünzom hato Ijip nok hato ajokya ningle thama-thomshix ajopu. Kue hünzom naosün hwom zanhok ma zi ang tompu ilaxle hünzom manbu kue tsuile paopu. Kue hünzom nakua ma hünzom pom angkya khünak mangbue mut ang tompu. Ikoxlechu hünzom a ku hato mongchatle chihüipu.

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

MÜNCHUAK-TSAI 94:1

Jowanpa, nang a sikngün fakya Zang changle; nang mongtsik aholax!

2 SAMUEL 24:15

Ikhoma Jowanpae Israel hato kaknu-laknu ahüi, ija a ija nop makhange owang wangkya chixe zünle kopkya hanpak kople ngo. Hwom haxtok kaochi makhange ata-kaochi alopkya mong ma Israel nok hajat puzom bün zile pao.

TSAITONG-KAXTONG 32:41

kue ku changlo wunle anaxtüi ilaxle sukya mwot mokle ahoüi. Ku zanpabu to kue olüix khomüi ilaxle ku thua anule changkyabu to sikangünüi.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

HUAKE LAIPEX 16:49

Zikya khünakbu akiak koxle 14,700 bang, ikhama Korah-e alünkya khoma zikyabu mang a münakiak.

LIWI 26:6

“Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.

HUAKE LAIPEX 31:3

Idaile Mosa-e khünaknu ang thüi: “Zan to ka ang achwonlax; Jowanpa to hwome chemle hwondaopuix, ija khoma Midi nok tingtak laxle hwom zothuple sikangün angkya changle.

KAXFÜNPA-HWOM 15:11

Ikhoma Judah angkya khünak 3, 000 Etam zakzyen tokya longkun to ngui ilaxle Samson ang thüi: “Nange Kwom Filistia nok hia kwom lompabu tikcha? Nange kwom to ija chem hwon?” Chixe lan: “Hwome ku to chemle hwonpuix kue hwom o ija jannong alüi wüi.”

1 WANGHOMBU 8:33

Hwome nang zongto ochax lyenle changpongma chemtue nang khünak Israel nok to zanpabue lütle changüihex, ilaxle chemtue hwom künlop-monglüi laxle nang hato chatle ija Zangshwom-Hom to nguiüihex, tamchu puinaikya füi nang ma thailak jule changüihex

1 WANGHOMBU 8:37

“Chemtue ija haxtok ma otui-onuak tüiüihex chichangba kaknu-laknu lele changüihex chichangba tsaxsa-hikha chei-june ama tamchu kuk-wyae saxle changüihex, chichangba chemtue nang khünakbu to zanbue single changüihex, chichangba hwome okak-olak apongle changüihex,

JEREMIA 50:28

Pünpaobu Babilon angkya paole azang ilaxle Jerusalem to ngui, ilaxle ija Zangshwom-Hom to hwome chemle hwondaopuix ija olüix khom ang Jowanpa, kem Zang-e mokkyabu pangwüi hwome wün.)

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

LAIPAO 5:3

Mosa hia Arun nyie lan: “Ibri nok Jowanpae chix lailai to kukhi hato ngaile ahodaoa. Jowanpa, chix kwom Khüthak Zang ang tö kox angkya hanpakma faokhato nyix azom lom to pao ang danhüi. Ile kwom chika thüiningle chixe kwom okak-olak chichangba chax-zan to max ang tomüi.”

2 WANGHOMBU 17:3

Asiria nok chongwangpa Shalmanesar chix füi azan. Hoshea-e Shalmanesar pomtho to chak ajong ilaxle zangpua süi koxle hüi.

2 PUKAX-PANGAO 24:24

Khünaknue Jowanpa, hwom pupa hwom Zang chilaxle awütkya khoma, Siria nok süpahi hiadaole wüi changkoxchu müimamale tüikya Judah nok süpahibu to lüt ang chixe tom. Ija ningle wanghompa Joash to sikangün.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

ISAIA 65:12

Alün-aloxle zi angkya a nang osho changüi, chemthüikoxle kue nyak pongma hünzome ku kax to chilan chichangba kue akax pongma chiapa. Ku kax ma chilaxle ochax mwot mok angkya mix hünzome zünle kop.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

HOSIA 11:6

Zansinge hwom tingnubu to thule hüiüi ilaxle tingnu panbu amale awütüi. Ijae ku khünakbu amütüi büthüikoxle hwome müile le thütkyakya mokkoxpu.

HABAKUK 3:5

Chix thüntho ma chixe kaklakbu ahüile ilaxle zikmüt-mangkho ang chix füifüi ma azüi angkya kaxtom koxle.