LIWI 26:19 - OTSAO BAIBEL (BSI)

¹⁹ Kue ningle-khokhe chithüile tüikya hünzom mongngam apakle awütüi; zangwatkya chitüiüi ilaxle hünzom haxtok a tüle zuale zanle jan lailaile achangüi.

LIWI 26:19 ပူးပေါင်းရင်းမြစ်များ

TSAITONG-KAXTONG 28:23

Ojao zangwat ang chitomüi, ilaxle hünzom haxtok a jan lailaile tsaküi.

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

KAXHO MÜIKYA LUK 4:25

“Ku kax apa hüi, changpu, Elija tsün ma otue zang azom lyet azok zangding ka hakle thomkya khoma zang chiwatpuix, üntoxle ongai chaxwannu hato chongkya otui-onuak hüipuix, ipongma Israel zomnubu tüihukya.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

EZEKEL 30:6

Jowanpae thüi: “Shuakuxchi Migdol makhange shuathongchi Aswan alople, Ijip nok ziakople zanhu ngokyabu a pangwüi ija zanhok ma langüi. Ija kax, Jowanpa Khüthak Zang-e, kue akaxdaoa.

JEREMIA 13:9

“Ija lailaile Judah hia Jerusalem ngamle ngokya kue ama angkya changle.

ISAIA 25:11

Akhai üima tinkya lailaile hwome chak tinüi, ikoxlechu hwom a Zang-e hwom a fangto süjuju ang tomüi, ilaxle hwom chak a juafong ang chimüile shaüi.

1 SAMUEL 4:11

Jowanpa Tsaotsüt Suak hwome kop, ilaxle Eli sasün Hopni hia Finehas, hokhi pangnyi wüi lang.

EZEKEL 7:24

Kue ikhato chisumüikya nok apüiüi ilaxle hwom ang hünzom homhaxbu lax ang tomüi. Chemtue kue chaxwannu nokbu ang hünzome zangshwomle ngokya nui ochax ang achang ang tomüihex, hünzom khama mixtsak naomüile ngokya mixe ngaxchu chix mongong ma athaüi.

ISAIA 26:5

Ngamkya khünakbu chixe puinai ang tomle; hwom ngole tüikya tsak-zongkya tingnu chixe amale, ilaxle ija long katukbu haxbu ang achangle akhixle.

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

1 SAMUEL 4:3

Azangle paokya thom pom to nguikya zuma Israel nok lompa-e thüi: “Anyix Jowanpae kem to Filistia nok ang lüt ang büthüikoxle tompuix? Kemepi Shiloh tokya Jowanpa Tsaotsüt Suak ikhato apüihax, ikoxle tix chix füi tomle zan to kalaxle zan chak tokya kem khosünle naxchang.”

1 WANGHOMBU 8:35

“Nang khünakbue nang zongto achaxkya khoma chemtue nange zangwat abaxle thom, ikoxle hwom chemtue mong aloplaxle ija Zangshwom-Hom chito thün aho ilaxle puinaikya füi nang to zangjople changüihex,

ISAIA 28:1

Israel wangting a maxdaoa! Hwom lompahom jutok mixbu khangkho ma maipua khohom hüile paokya ningle hwom fuazang a samdaoa. Angamkya hwom khangbu a ongan müikya münga füi palaxle tüile, ikoxle hwom ikhama jutokle shui, omang ma pangle.

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

TSAITONG-KAXTONG 11:17

Hünzome ile jangmok, Jowanpa ang hünzom füi mongtsikkya tüiüi. Chixe zangwat tsyenle tüiüi, ikoxle hünzom haxtok a manzai ang ojao chimüile tüle tsakle maüi. Ile, chixe hünzom ang fale ngokya haxtok tüle müikya haxtok chang koxlechu, lebama wüi hünzom ikhato samüi.

EZEKEL 33:28

Kue onok a khünak chingole awütkya haxtok ang achangüi, ilaxle hwom mongngam ang laxle ngokya tsak-zong a oshuk ang achangüi. Israel haxnubu a owachu mata-anyi le ang chithokya shonak-lingnu ang achangüi.