LIWI 26:17 - OTSAO BAIBEL (BSI)

¹⁷ Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

LIWI 26:17 ပူးပေါင်းရင်းမြစ်များ

WANWÜNKAX 28:1

Hwom to owaechu chiachua pongma chichang-chizangkya khünakbu pao ma sütle, ikoxle sukya khünak a mailang ningle mongchongle.

LIWI 17:10

Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

MÜNCHUAK-TSAI 53:5

Ikoxlechu hwom chabüt-lasünle changüi, ilele otuechu tümachangtoxle, chemthüikoxle Zang-e chix khünaknu zanpabu zatua chiakle awüt angkya changle. Zang-e hwom chilaxle awütdao angkya changle, ikhoma Israel noke hwom to komkaile lüt angkya changle.

TSAITONG-KAXTONG 28:25

“Jowanpae zanbu ang hünzom to lüt ang tomüi. Hünzome hwom to lomkua tuita makhange singüi, ikoxle hwom thoto hünzom pangnu chito afale paoüi, ilaxle hünzom to ile changkyabu ngünlaxle chaxwannu khünaknu nok wüi abütüi.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

KAXFÜNPA-HWOM 2:14

Ikhoma Jowanpa ang Israel nok füi tüle mongtsik ilaxle mix tsangtsele changkya nguilaxle hwom tsangtsele pao ang tom. Hwom akhople tüikya zanbue hwom towüi anao ang tom, ilaxle Israel nok ma lailai to alüile ma kho awa ang chithole chang.

MANGSOP 1:5

She zanpabue she to lüt; hwome ma tsak-zong füi she to künle kop. She huanu ochax khoma Jowanpae she füi sikngün apong ang tom; She naosombu a koplaxle tsui pao.

1 SAMUEL 31:1

Gilbua Haxnu ma Filistia nok Israel nok füi azan. Ikhama Israel nok huanuma lang. Lang ang chikopkya mamabu, wanghom Sol hia sasün hokhi ngaxchu wüi zikle paole azang.

1 SAMUEL 4:10

Filistia nok zongbakle azan ilaxle Israel nok to lüt. Israel nokbu a ma homchi to alüile zikle chat. 30, 000 Israel nok süpahibue mik max angkya atak.

PONGWANG LAIPEX 4:12

Nange haxtok ma thomo-manzaile changkya zuma, ijae oziak-opua puamünle chang ang müntomüi. Nang a chaxwan tok ma samle ngokya püntüi ang achangle ngoüi.”

JIHUSUA 7:4

Ikhoma, Israel khünak hajat azom tukuxle tingtakle sing, ikoxle hwom mix alüile zantho to zikle pao angkya lai.

1 WANGHOMBU 8:33

Hwome nang zongto ochax lyenle changpongma chemtue nang khünak Israel nok to zanpabue lütle changüihex, ilaxle chemtue hwom künlop-monglüi laxle nang hato chatle ija Zangshwom-Hom to nguiüihex, tamchu puinaikya füi nang ma thailak jule changüihex

MÜNCHUAK-TSAI 44:10

Nange kwom zanthoto zikle pao ang tompu, ilaxle kwom kux chem tüikya hex hwome kople paopu.

JEREMIA 44:11

“Jangchangba, ku, Jowanpa, Israel nok Khüthak Zang hünzom zongto zanpa ang changüi ilaxle Judah pangwüi amütüi.

EZEKEL 15:7

Kue hwom to sikangünüi. Hwom wün tuita chak tokya azangle tsuakdaoa, ikoxle athax wüne hwom zokle ashun angkya changle. Chemtue kue hwom to sikangünüihex, ku a Jowanpa changpule hünzome awan ang kopüi.

KAXFÜNPA-HWOM 3:8

Ikhoma Jowanpa ang Israel nok füi mongtsik ilaxle Mesopotamia nok wanghom, wanghompa Kushan Rishathaim-e hwom tingtak ang tom, ilaxle chixe zanglao 80 hanpakma hwom to apün-ada.

KAXFÜNPA-HWOM 3:14

Eglon pangnu zanda ang Israel nok zanglao 18 ngole hüi.

KAXFÜNPA-HWOM 6:2

Israel nok füi Midi nok wüi tsak-zongle chang, ilaxle Israel khünakbu hwom thoto longkun hia haxhuachi chingünkya nui to azwonle ngo.

1 SAMUEL 12:15

Ikoxle hünzome Jowanpa zangwün to na chitha ilaxle chix kaxtombu kax ma chilaxle jangchang, chix a, hünzom tamchu hünzom wanghompa zongto zanpa ang achangüi.

2 WANGHOMBU 13:3

Ikhoma Israel nok füi Jowanpa ang mongma, ikhoma Siria nok wanghompa Hazael hia chix sasün Benhadad nyie Israel nok to chat-chat-naole lüt ang tom.

2 WANGHOMBU 13:7

Mankho ma azankya süpahibu 50, man-kanlin 10, ilaxle cha ma azankya süpahi 10, 000--ibobo ma Jehu ang chang-pax füikya süpahi ota chitox, chemthüikoxle Siria nok wanghome pangwüi amüt ilaxle haxbu ang achangle nakle akhix.

MÜNCHUAK-TSAI 53:6

Zaion makhange Israel noke lüt angkya hanpakma kue zangjoppu. Zang-e tamchatle hwom ahak-aluale tüi ang tomkya zuma Israel nok ang chemtukuxle mongmüikya tüiüihex!

ISAIA 30:17

Zan nok süpahi tuita ngünkya thoto hünzom hajat tuita khünak zikle paoüi, idaile hünzom pangwüi zikle pao ang tom angkya a süpahi mixsün aga wüi nguiüi. Haxkho to nyiluak apik ang ngokyabu boma hünzom süpahi khama owachu chitoxle paoüi!

ISAIA 63:10

ikoxlechu hwome chix füi alünle ajong ilaxle chix otsao chasa ang mong ama. Ikhoma Zang a hwom zanpa ang achang ilaxle hwom füi azan ang süt.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.