LIWI 26:16 - OTSAO BAIBEL (BSI)

¹⁶ kue hünzom ang sikngün faüi. Kue hünzom hato thama apüiüi: tamchimüi angkya kaklakbu tamchu khamle kakkya makhange hünzom ang mik aduak angkya ilaxle hünzom ozün ma ngokya chem olüi chitüile chang angkya, ibu hüi ang tomüi. Hünzome tsax saiüi ikoxlechu ija ma hünzom ang olüi chemchu chitüile changüi, chemthüikoxle hünzom zanpabue hüilaxle hünzom tingtaküi ilaxle hünzome zaile alai thomkya sax hwome saxüi.

LIWI 26:16 ပူးပေါင်းရင်းမြစ်များ

JOB LAIPEX 31:8

Ku tsaxsa-hikha naxmakox; ku manzai puamün mixe naxsaxkox.

1 SAMUEL 2:33

ikoxlechu kue hünzom homkha angkya osix-olibu khama tuita panle tüile, ilaxle chixe ku nguapa mwot mokle ku thothale changüi. Ikoxlechu chixmikduak tuita ang changüi ilaxle monghom angkya chemchu chitüile maxüi, ilaxle nang sixli mamabu a tata füi changnong-pünthomle alün-aloxkya ma mik maxle changüi.

MIKA 6:15

Hünzome saxziak saiüi, ikoxlechu saxzüt ang münkop. Hünzome olip angkya münga fyetüi, ikoxlechu ija hünzome chemtuechu lax ang münkop. Hünzome grepti-ju fyetüi ikoxlechu ija hünzome chemtuechu ling ang münkop.

EZEKEL 33:10

Jowanpae ku füi zangwünle thüi: “Ziün angkya khünak, Israel nok hama, hwome akaxle ngokya kax ija noxle akaxkox: ‘Kwom to kwom ochax hia thaikya mwot, ibu hüne müimamale lixle. Kwom a na-jua le maxle. Kwom ozün ma chemle ngothoüi?’

JEREMIA 5:17

Ibue nang sax-tua hia sütling jokle joküi; hwome hünzom sasün hia sacha hwom langüi. Hwome hünzom chun hia maihu zyembu langüi ilaxle hünzom grep zu hia fupsa pünbu amale awütüi. Hünzom chalomle ngokya ziakople thomkya tingnubu a hwom süpahibue pünle amaüi.

MÜNCHUAK-TSAI 78:33

Ikhoma chixe hwom hanpakbu zak tamdünkya ningle üntoxle chu allele hüikya thama ma hwom hanpakbu ashuk ang tom.

TSAITONG-KAXTONG 28:51

Hünzom tsom-pom hia sax-tua hwome komkaile saxüi, ilaxle hünzom a woknuake zi ang tomüi. Ibue hünzom ang sax-tua, grepti-ju, olip münga, osu-maihu chichangba chunbu chemchu müntoxüi. Hünzom a zile samüi.

IBRI 10:31

Ozün ma tüikya Zang chak ma dong angkya tüle zadün changle!

ZEKARIA 14:12

Jerusalem ma achax-azanle changkya jat-libu pangwüi Jowanpae okak-olak ahüiüi. Hwom ozün ma tüitanto wüi hwom tsangtsa müibu shanle paoüi; hwom mik hia ibu shanle paoüi.

HAGAI 1:6

Hünzome sax müimamale shitdaoa, ikoxlechu hidaole wüi züt ang koppu. Hünzom ang sax angkya süt tüile, ikoxlechu hünzom hanpakma wokfwot müitang okhonguile chichang. Hünzom ang ling angkya grepti-ju tüipu, ikoxlechu hünzom to tokle lingtang chitüipu! zom ang nyi-za tüile, ikoxlechu hünzom tsangtsa alomle thomtang chichang. Üntoxle hingchak achakkyabue ifüi okhonguile ngotang achak ang chitho.

JEREMIA 20:4

Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.

JEREMIA 15:8

Hünzom haxtok ma thanubu huanuma tüile tinu kax tokya fix füi ngaxchu süluile. Hwom tsaktan tüipongma kue hünzom tsünzünbu mik-amüt ilaxle ibu honu hwom mongthang ang tompu. Kue hwom to allele hongpu künmax-mongshan hia thama füi a.

JEREMIA 12:13

Ku khünaknue wonglai haxtok mo, ikoxle hingzang züt ang kop; hwome azongle mwot mok, ikoxle ikhama chemchu chikop. Za-adünkya ku mongtsik khoma hwom puamün atho.”

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

ISAIA 7:2

Israel nok haxsüt to Siria nok süpahibu owüiole nguile ngoünkya zangwün chemtue Judah wanghom hato nguipuix, chix ilaxle chix khünaknu pangwüi, zangwin to pün sile alox pupule anyon.

MÜNCHUAK-TSAI 109:6

Laxli chitüikya kaxfünmix züizüi ku zanpa kaxfün ang kamlax, ilaxle chix zanpa tuitae chix ma kax-hux fele chang ang tomkox.

MÜNCHUAK-TSAI 73:19

Hwom a chaktung-chaktung ma amüt; hwom a khomtsile max angkya hato ahüi.

JOB LAIPEX 20:25

Sanhape hwom tsangtsa apatle leüi; Ija santun junkya makhange hwom aji jenle dütüi; Mong sikngüne hwom to khax ma hukle changüi.

JOB LAIPEX 18:11

Hwom akhople thamae tanle ngole; ijae chikap foto hwom mantole.

KAXFÜNPA-HWOM 6:11

Ifüima Ofrah nok ma Jowanpa kaxtaimix ngui ilaxle Abiazar homjen angkya mixsün tuita Joash kux nok pünnu pünsum fang ma chix pax. Chix sasün Gideon-e grepti-ju fyet nui ma dangjajale wonglai tsax nakle ngokya. Chix a Midi noke chix chingün angkya hanpakmale khünle ngokya.

TSAITONG-KAXTONG 32:25

Ochax-ozan ma hwom tingjang lomnu to zikmüt mangkho atak ang tomüi; hwom homkhabu to tuma-wanshixkyae chakmok ang tomüi. Naocha hia naosünbu zile paoüi; Süshix-naosa hia taiko owachu shanle chitoxüi.

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

1 WANGHOMBU 8:37

“Chemtue ija haxtok ma otui-onuak tüiüihex chichangba kaknu-laknu lele changüihex chichangba tsaxsa-hikha chei-june ama tamchu kuk-wyae saxle changüihex, chichangba chemtue nang khünakbu to zanbue single changüihex, chichangba hwome okak-olak apongle changüihex,

WANWÜNKAX 3:33

Chichangchizangle tüikyabu homkha to Jowanpae thuakzomkya koxle, ikoxle otsao khünakbu homkha to mohiman koxle.

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

EZEKEL 24:23

Hünzom a khanghua ma chichangba cha hua ma chichangba mang sople chichangba awaole münngoüi. Hünzom ochaxbu khoma hünzom a azuk-atsyale paoüi, ilaxle hünzom a tata zongto wotüi.

MALAKI 2:3

Kue nang su-sa hwom to sikangünüi ilaxle hünzom thün a hünzome tö koxkya müi odix ma thünzutle changüi--ilaxle hünzom a müidixbu athünkya khato alaiüi.

AMOS 5:11

Hünzome zasabu to afangle thom ilaxle hwom saxziak zongzukle lax. Ikhoma ipong müile hünzome zaile alaikya longhombu ma hünzom münngoüi chichangba ipong müile hünzome küile alaikya grep haxtok angkya grepti-ju hünzome münlingüi.