LIWI 26:15 - OTSAO BAIBEL (BSI)

¹⁵ Hünzome ku wanlombu hia kaxtombu kax ma münlaxle jangtsak ilaxle kue hünzom füi tsaotsütkya Tsaotsüt amale jangchang,

LIWI 26:15 ပူးပေါင်းရင်းမြစ်များ

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

EZEKEL 16:59

Jowanpa Khüthak Zang-e thüile: “Nange chem kopse hex ile kue nang to hwonüi, chemthüikoxle nang kaxtsaobu ahai ilaxle tsaotsüt ama.

JEREMIA 11:10

Hwom a, kue akaxkya kax ma münlaxpule angamle tüikya hwom pupa hwom ochaxbu hato chatle chatdaoa; hwome ibu baozangbu to shwomle changdaoa. Kue hwom pupa hwom füi zingkya Tsaotsüt, Judah hia Israel nok pangnyie wüi amadaoa.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

HUAKE LAIPEX 15:31

chemthüikoxle chixe Jowanpa kax ma chilaxle tüi tamchu chaktung ma wanlom tuita lyenle ama. Chix mik maxkya bama owamachu tsaitox-kaxfe angkya müntüi.

IBRI 8:9

Kue hwom chak ma syet üntoxle Ijip angkya lai ang koxkya nyix hwom putong hwom füi, kue Tsaotsüt tankya ningle; ija a münchang angkya changle. Kue hwom füi zingkya Tsaotsüt kax ma laxle, chitüikya khoma kue, hwom jao to mong chikox.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

WANGSHEMBU MWOT 13:41

‘Hulax, hünzom mix ajao ahaikyabu! Abütlax üntoxle zilax! Chemthüikoxle anyix kue mokle ngokya a, hünzom hama owawae apuale fapongma, hünzome chiong angkya oli münchang!’”

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

WANWÜNKAX 5:12

ilaxle nange thüiüi: “Kue chemtuechu awanle chikople chemthüikyadai? Owawae ku achangle zing ang chikoxle ku büthüi ang tüikyadai?

WANWÜNKAX 1:30

Hünzome chemtuechu kue adangle fakya laxse chitsu chichangba kue hünzom achangle fapongma ija to na chitha.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

MÜNCHUAK-TSAI 50:17

Hünzome ku ang hünzom achangle zing ang chitom; hünzome ku kaxtombu chilaxle awüt.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

LIWI 26:43

Ikoxlechu pongwang ma ija haxtok angkya khünakbu apao angkya laiüi, ikoxle tix ijae komkaikya nazak apong ang tsuaküi, ilaxle hwome ku wanlom hia kaxtombu chilaxle abakya khoma okhonguile thathom angkya laiüi.

LAIPAO 24:7

Ifüima chixe Tsaotsüt laipex lax; ija ma Jowanpa kaxtombu zale tüikya. Ija chixe khünaknu noke atatle ele kox. Hwome lan: “Kwome Jowanpa kax ma laxüi ilaxle chix kaxtombu pangwüi moküi.”

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,

PONGWANG LAIPEX 17:14

Lüka owawa Khwonzüt-Zom chizingkya mix a ku khünak changpule münlaxüi, chemthüikoxle chixe ku füikya Tsaotsüt münthom.”

LIWI 26:9

Kue hünzom to mohimanüi ilaxle su-sabu tüle-tüle pu-tsale chang ang tomüi. Kue hünzom füi tsaotsütkya Tsaotsüt, ku hanpak kue münale.

LIWI 26:11

Kue chemtuechu hünzom hato tok münaho, chemthüikoxle ku a hünzom khato ku otsao Nyihom ma ngo angkya changle.

1 SAMUEL 12:15

Ikoxle hünzome Jowanpa zangwün to na chitha ilaxle chix kaxtombu kax ma chilaxle jangchang, chix a, hünzom tamchu hünzom wanghompa zongto zanpa ang achangüi.

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.