LIWI 26:14 - OTSAO BAIBEL (BSI)

¹⁴ Jowanpae akax: “Hünzome ku kaxtombu kax ma chilaxle jangtüi, hünzom to sikangünüi.

LIWI 26:14 ပူးပေါင်းရင်းမြစ်များ

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

LIWI 26:18

“Ibibile chang füima ngaxchu wüi hünzome ku kax ma laxle chitüi thüiningle kue hünzom sikngün a othom anüte bole achenüi.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

WANGSHEMBU MWOT 3:23

Owawae ija ajepa kax ma chilax jangthüiba, chix a Zang khünaknu füi ajanüi ilaxle azik-amütüi.’

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

JIHUSUA 23:15

Ikoxle chixe hünzom füikya chix kaxtsao pangwüi chemle thomtsuak puix, ija lailaile aza-anakya zangwün pangwüi mokle pao ang tomüi.

KAXFÜNPA-HWOM 2:15

Hwom chemtukuxle zan to kapuix, Jowanpa a hwom zongto zan ang bang, chemthüikoxle ile chang angkya kaiwüi akaxle apua thomdaokya tüikoxle. Ikhoma hwom a tüle khosam ma ngo.

1 SAMUEL 12:15

Ikoxle hünzome Jowanpa zangwün to na chitha ilaxle chix kaxtombu kax ma chilaxle jangchang, chix a, hünzom tamchu hünzom wanghompa zongto zanpa ang achangüi.

2 PUKAX-PANGAO 7:19

Ikoxlechu nang üntoxle nang khünaknu, kue koxkya wanlom hia kaxtombu kax ma chilaxle tamchu mixnok baozangbu to shwomle jangchang,

WANWÜNKAX 3:33

Chichangchizangle tüikyabu homkha to Jowanpae thuakzomkya koxle, ikoxle otsao khünakbu homkha to mohiman koxle.

JEREMIA 11:8

Ikoxle hwome apachu chiapa ilaxle kax machu chilax. Itülüi, amipongkya lailaile wüi hwom pangwüi sisile mongkhüi tamchu chichangchizangle tüikya chizak. Kue hwom ang Tsaotsüt thom angkya kaxtom koxpu, ikoxle hwome ija pongle chikop. Ikhoma ijama zale tüikya thangnak pangwüi hwom khangkho to ahüipu.”

JEREMIA 26:4

Jowanpae khünaknu hama akax angkya kax ku hama ile wün: “Jowanpa, ku kax ma laxle tüi angkya wüi ilaxle kue fakya hwon-nwot lom ma hünzom le angkya wüi changpule hünzom füi akaxdaoa,

JEREMIA 28:8

Ku hanpak hia nang hanpak hüiüi thoto wüi ajebue jat-libu hia tsak-zongle tüikya wangtingbu hato hüi angkya ochax-ozan, woknuak-tilan hia okak-olakbu bama ajele thom.

JEREMIA 40:2

Süpahi lompa-e ku süile pao ilaxle akax: “Jowanpa, nang Zang-e ija nok to thama-thomshix apüi angkya kax füi sapu,

DANEL 9:13

Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O Jowanpa kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

HOSIA 7:12

Ikoxle hwom ile aham ngopongma nya thalaxle osa amanpupule kue hwom amanüi. Hwome mokdaokya ochax khoma kue hwom to sikangünüi.

2 WANGHOMBU 22:13

“Ija laipex ma zale tüikya bama, ku tamchu Judah khünaknu hanpakma Jowanpa füi tsaitik-kaxshole anohu. Ija laipex ma chem mok angkya hex-ole zale tüipuix, ija chimokkya khoma Jowanpa a kem füi mongtsikle ngoüna.”

2 PUKAX-PANGAO 34:24

ibibi kaxho akaxle kox angkya hwom füi akax: “Oja wanghompa-e atatle ija laipex ma zale tüikya othuak-ozom kax ele atat daopuix, ija othuak-ozom füi kue Jerusalem hia ima tüikya khünaknu to sikangün angkya changle.

MÜNCHUAK-TSAI 81:12

Ikhoma kue, hwome mokse tsukyakya mokle hwom ang natütle pao ang tom.

JEREMIA 32:23

Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.