LIWI 26:12 - OTSAO BAIBEL (BSI)

¹² Ku a hünzom füi ngoüi; ku a hünzom Zang changüi ilaxle hünzom a ku khünaknu ang changüi.

LIWI 26:12 ပူးပေါင်းရင်းမြစ်များ

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

JOEL 2:27

Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

EZEKEL 11:20

Ifüima hwome ku wanlombu thomüi ilaxle ku kaxtombu kax ma laxle tüiüi. Hwom a ku khünakbu ang changüi, ilaxle ku a hwom Zang ang changüi.

JEREMIA 11:4

Hwom zongto okham wünnukha lailaile tüikya chaxwan, Ijip nok tokya hwom alaile apüi pongma, ija Tsaotsüt a hwom pupa hwom füi tsaotsütle wünkya kax changpu. Ku kax ma laxle tüi angkya tamchu ku kaxtom ma mokle chang angkya kue hwom füi akaxdaoa. Hwome ku kax ma laxle jangtüi, hwom a ku khünaknu ang ngoüi ilaxle ku a hwom Zang ang ngo angkya kax kue hwom füi akaxdaoa.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

MÜNCHUAK-TSAI 50:7

“Apahüi, ku khünaknu, kue akax fang; Israel, kue nang a thaidaoa, le kaxkhi koxüi. Ku a Zang, hünzom Zang changpu.

EZEKEL 36:38

Anyix pünle ama thomkya tingnubu a, pangpwon tuk ma, tö ang kox ang apüikya chunbue Jerusalem awang pupule khünaknue awangle chang ang tomüi. Ifüima hwome ku a Jowanpa changpule awan ang kopüi.”

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

PONGWANG LAIPEX 3:8

Hansong zangwin wuwule tüipongma tsawat khato Jowanpa ahamkya hokhie atatle lax. Okhi a chix thoto khünle ngo.

MATHI 22:32

Zange thüile, ‘chix a, Abraham Zang, Isak Zang tamchu Jakop Zang changle.’ Idaile chix a omang Zang chichangle ozün Zang changle.”

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

PONGWANG LAIPEX 5:24

Chixe chix tsün a Zang füi notom-tusüi ma ngole akai, ifüima chix chingünle sam, chemthüikoxle Zang-e chix tswonle pao.

PONGWANG LAIPEX 5:22

Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

PONGWANG LAIPEX 17:8

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

HUAKE LAIPEX 5:3

Hwom makhange, ku khünakbu füi tomle ku ngokya thongnui jaojao chitsaokya ang chiachang angkya kuxma, zanglom ma chitsaokya khünakbu a alaidao.

2 SAMUEL 7:7

Israel khünaknu füi aham fofole, kue kamle kopkya lompabu owaechu, ku zangshwom-hom a sedar pün füi büthüikoxle chizingpule ma-atüi.’

LAIPAO 29:46

Ku hwom khato ngo angkya hanpakma Ijip nok tokya hwom khosünle apüikya Jowanpa, hwom Zang a ku tix changpule hwome awan ang kopüi. Ku a Jowanpa hwom Zang changpu.

TSAITONG-KAXTONG 23:15

“Da tuita hopupa ha angkya paolaxle chix khang azang ang nang hato nguile jangchang, chix a hopu hato wüi chat ang tomkox.