LIWI 26:1 - OTSAO BAIBEL (BSI)

¹ Jowanpae thüi: “Chapa taxzing chichangba chapa ajongle hia long küile taxchang, chichangba shwom angkya hanpakma long makhange tütali taxzing. Ku a Jowanpa hünzom Zang changle.

LIWI 26:1 ပူးပေါင်းရင်းမြစ်များ

LIWI 19:4

“Ku awüt toxlaxle chapa to taxshwom; khop hia jan füi chapa zinglaxle ibu to shwomle taxchang. Ku a Jowanpa hünzom Zang changle.

TSAITONG-KAXTONG 27:15

“‘Long hia pünbu füi chapa zinglaxle huxsa ma ibu to opange shwomle changlaxpuix, hwom to Zang-e thuakzomle changkox; Jowanpa a chapa shwomkyabu thua anule.’ “Ilaxle khünaknue lanüi, ‘Amen!’

HUAKE LAIPEX 33:52

ija haxtok ma tingtan-nokzing laxle tüikya khünak pangwüi jwonle apao angkya changle. Hwom kux, long hia jan füi zingle tüikya chapabu hia hwom baozang to shwomkya onuibu pangwüi amale awüt angkya changpu.

LAIPAO 23:24

Hwom baozangbu tong to taxakhux tamchu ibu to taxshwom. Ibu nok mwottho laxle taxkop. Hwom baozangbu amadao ilaxle hwom otsao long thuple akhixdao.

LAIPAO 20:23

Hünzome shwom angkya hanpakma ku boma, hun hia khopbu makhange baozangbu zingle taxchang.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

WANGSHEMBU MWOT 17:29

Kem pangwüi Zangsu Zangsabu daile, keme chixsün-chixjo a zingpabue zingkya hun, jan chichangba long ningle tüile le chitexüi.

LAIPAO 34:17

“Tütali long-jan hia pün ibu makhange baozangbu zinglaxle ibu to shwomle taxchang.

ISAIA 2:20

Chemtue ija nyix nguile hüiüihex, hwome khop hia hunbu füi, mae alüile zingle thomkya chapabu tswonle awütüi, ilaxle ibu a thufa hia opak-pakpebu ang danle toxüi.

MÜNCHUAK-TSAI 97:7

Chapa shwomkyabu pangwüi zakkop ang tomle; baozangbu pangwüie Jowanpa tunthoma akhuxle.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

LIWI 25:55

Israel khünak tuita a onyem ang da ang chingoüi, bethüikoxle Israel khünakbu a Jowanpa dabu changle. Ijip nok tokya hwom chixe apüipu, chix a Jowanpa hwom Zang changle.

TSAITONG-KAXTONG 5:6

‘Hünzom Ijip nok to da ang ngokya dale alaikya Jowanpa ku a hünzom Zang changpu.

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

LIWI 7:33

Arun sasün hwom khama opupue tumüi tö koxkya hia aji hia müizao tö koxüihex, chixe müichung tsaxchi chung laxüi.

KAXFÜNPA-HWOM 18:30

Dan noke hwome shwom ang chapa pomzai, ilaxle Jonathan, owa Gershom sasün tamchu Mosa susün changkya hex, chixe Dan nok hanpakma nguapa ningle zom-zang mwot mokle kox, ilaxle hwom khünakbu zanda ang kople paokya kople ibue ngua mwot mokle ngo.

2 WANGHOMBU 17:8

Chix khünakbu nguikya zuma Jowanpae jwonle apaokya khünakbu zomzang hwome lax, ilaxle Israel nok wanghome apüikya zomzangbu chu kop.

2 WANGHOMBU 17:10

Haxhua pangnu khato wüi tamchu zangkhung atüitüi pünnu tong ma hwome long küi ilaxle baozangchanu Asherah chapabu zing.

2 WANGHOMBU 17:16

Hwome Jowanpa, hwom Zang wanlombu pangwüi ama ilaxle hwome shwom angkya hanpakma jan makhange baozang maihupong anyi zingle alai. Hwome baozangchanu Asherah chapa zing, lyettsibu to shwom, ilaxle Bal baozang thothale chang.