LIWI 24:7 - OTSAO BAIBEL (BSI)

⁷ Jowanpa ang süt tö hanpak ang ankhao lüix ma ongan müikya so hidaopong pangnyi zyen ma dankox.

LIWI 24:7 ပူးပေါင်းရင်းမြစ်များ

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

EFISIA 1:6

Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

JUHAN 6:51

Ku a zangkangting tokya jukya süt changpu; owae ija süt kha angkya saüihex, chix a oshuk chitüile ozün ma ngoüi; ilaxle süt oja kue chaxwan azün ang koxüihex, ija a ku müi changle.”

JUHAN 6:35

Jisu-e hwom ang thüi: “Khüzün süt a ku changpu; Owa ku hato hüiüihex chix ang wok münano ilaxle ku to ongkya mix ang otuechu ti münalan;

LAIPAO 17:14

Ifüima Jowanpae Mosa ang thüi: “Ija zan to lüt kax zale thomlax; ija a chialak angkya pukax tuita ang naxnui. Ilaxle kue Amalek nok to komkaile lüt angkya changle le Jihusua hama apuakox.”

LAIPAO 13:9

Ija pangpwon a tuita mongto texle atak ang tom angkya hanpakma changle; ija a oli tuita nang chak ma chichangba nang khangpong ma khale thomkya münwan ningle changpu. Imakhange nang ang ija mo wün angkya tamchu Jowanpa Wanlom tole chang angkya mongto texle atak ang tomüi; chemthüikoxle Jowanpae hünzom a Ijip nok tokya chongkya chix tsak-zong füi alaile paokya changpu.

LAIPAO 12:14

Hünzome ija nyix a zanglom pangpwon tuita hanpak ang laxle, Jowanpa kue hünzom to chemle chingcha daopuix, ija texle atak angkya hanpakma zangpua to puashole nuilax. Athax füichi machu ija hanpak chiamütle twonle ngolax.”

PONGWANG LAIPEX 9:16

Chemtue zangfwom ma nomlong laiüihex, kue ija ngünüi ilaxle chaxwannu angkya zünmok füikya oshuk chitüikya Tsaotsüt texle ataküi.

LAIPAO 28:12

Ibu a Suakwex-nyi suakbüi nyi ma apütkox. Ijae Israel nok homjen 12 münwan ahoüi. Ile Arun-e hwom mün chix suakto ma nwonle ahamüi tamchu Jowanpa, kue ku khünaknu jento texle ataküi.

LIWI 2:9

Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

ISAIA 43:23

Hünzome ku hato chun zokle ashunkya hünzom tö chiapüi; hünzome töbu koxkya füi ku achuakle chichang. Kue töbu jukya füi hünzom ang hünlix chikox chichangba ongan müikya so zok angkya atsangle hünzom maxsam ang chitom.

LIWI 2:1

Owawae Jowanpa ang saxziak tö koxle changpongma, ija hünzome an ang achangle müile thule kopüi. Nguapabue ija to olip münga füi liüi ilaxle ongan amüi ang otex-tsyapi awutüi.