LIWI 24:5 - OTSAO BAIBEL (BSI)

⁵ Tuakbün-anyi ankhix laxlax ilaxle ankhao bün-anyi zinglax.

LIWI 24:5 ပူးပေါင်းရင်းမြစ်များ

LAIPAO 25:30

Ija tsap a Tsaotsüt suak tunthoma dan angkya oli, ilaxle ija suak dingma ku ang tö koxkya otsao an jento thom angkya oli changpu.

LAIPAO 40:23

Ija ma Jowanpa ang tö koxkya an dan; ija chuwüi Jowanpa kaxtom lailaile chang.

1 WANGHOMBU 18:31

Jowanpa chix ang Israel le amün fakya Jakop sasün hwom 12 mün ma chixe longtom 12 tswonle lax.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

WANGSHEMBU MWOT 26:7

Hwome zangnak zangngai Zang shwom pongma ija kaxtsao to kwom homjen bün anyi khünak noke wüi kopüi le sungle. Ilaxle, O Wanghompa! Jehudi khünakbue ku ang omale kaxfekya a ija mongong khoma changle!

MATHI 12:4

Chix tamchu chix füi tüikya khünakbue Jowanpa hom to donglaxle Jowanpa ang tö koxkya an sax. Wanlom ma ija a nguapa boma owaechu saxtsuak angkya chichang.

IBRI 9:2

Otsao Nui le nyakkya, otok to ngünkya Nyihom tüikya. Ija ma wüntik dannui üntoxle Zang ang fakya an füi tsap tuita tüikya.

LAIPAO 39:36

tsap ilaxle ija ma tüikya tuina pangwüi, ilaxle Zang ang tö koxkya ankhao;

HUAKE LAIPEX 4:7

Jowanpa ang süt tö koxkya tsap-khua otok ma nyihing nomüi ilaxle ima sütling, ongan müikya so atsopkya khua, tö koxkya khua, tö koxkya khua, grepti-ju tö koxpongma twonkya pe, ibu pangwüi danüi. Tsap-khua ding ma an a jento tüingo angkya oli.

1 SAMUEL 21:6

Ikhoma nguapae Dawid ang ija otsao an kox, chemthüikoxle chix ma tüikya a Jowanpa ang tö kox angkya an, itata wüi; ija an hozün danüima tsapding angkya alüix laxle mama khato danle thomtan changkya. (

1 PUKAX-PANGAO 9:32

Kohath saxthom angkya khünaknu a Sabath foto Zangshwom-Hom ma otsao an achwon angkya hünlit changkya.

1 PUKAX-PANGAO 23:29

Zang ang tö ang kox angkya ankhao to hu angkya, tö kox angkya ankhix, twonkhax chiawon homle zingkya ankhao, tö an atsankya; Zangshwom-Hom töbu koxkya othüt-ozing to hu angkya;

2 PUKAX-PANGAO 13:11

Ongan müikya so zokkya hia otom ma lanle töbu koxle changkya füi ja-nop to hwome chix shwomle ngopu. Zom mwot hanpak ang atsaole thomkya tsap ma hwome an tö koxpu, ilaxle jafole hwome lotsapbu angkya wüntik atsople changpu. Kwome Jowanpa kaxtom mwot mokle ngopu, ikoxle hünzome chix hato tok ahopu.

NEHEMIA 10:33

Keme ibibi tuina Zangshwom-Hom ma zangshwom pongma lax ang kox angkya oli changle: otsao ankhao, nyixfo to koxkya saxziak tö, nyixfokya to zokle ashunle tö ang koxkya müibu, Sabath foto koxkya otsao töbu, Lyetzün Pangpwonbu, ilaxle mama pangpwonbu, mama otsao töbu, Israel nok ochaxbu pao angkya töbu, tamchu Zangshwom-Hom ma laxli tütalichu kox angkya changle.

LAIPAO 40:4

Tsap anoplax ilaxle ima laxse tuina oding ma danlax. Ilaxle lotsapchu apüilax ilaxle ima wüntikbu danlax.

1 SAMUEL 21:7

Doeg le amünkya müinyetmix khama lompa Edom sün tuita, owa Sol nye ang ngole tüikya hex, chix a, zanglom zomzingle khangkho-zangngai angkya hanpakma ikhama asu.)

NEHEMIA 10:34

Kem, khünaknu, nguapabu, ilaxle Liwi hwom, ibue Wanlom ma tüikya ningle zanglao to Zangshwom-Hom ma Jowanpa ang zokle ashunkya töbu koxle changpongma opupu saxthome ha apüile koxüihex ang chizing tswonle changüi.