Maihupong tuita, chun ola tuita, chun tuita chichangba zwon tuita le Jowanpa ang zokle ashunkya tö chichangba tsaosaxdaokya thathom ang koxkya tö chichangba küntsu-monglua to koxkya tö chichangba hanpak-hanpak to koxle hüikya zanglom pangpwon tö ningle apüile kox ang tsuak. Ibu süt tö koxkya ozing-olong a Jowanpa zongto ongan tüle müikya changle.
Lyetzün Pangpwon ma, Sabath ma, ilaxle mama pangpwon tukma, Israel nok noknusa hanpak ang, otom ma lanle kox angkya müi tö, saxziak tö ilaxle grep-ti tö, ibu bakle achwonkox angkya a chix mwot changpu. Ochax tö, saxziak tö, otom ma lanle koxkya müitom tö, ilaxle notom-tusüi tö, ibu tö pangwüi, Israel nok ochaxbu thailak tüi angkya hanpak kox angkya töbu chixe koxüi.”
üntoxle Jowanpa ang kox angkya tö Sabath nyix zokle changpongma, lyetzün pangpwon ma ilaxle mama pangpwon pangwüi to humele chang angkya. Motthom foto Liwi hwom opupue chem moküihex, ibu pangwüi khünak huak ma laple wanlombu zinglaxle thom. Liwi hwom ang a jento Jowanpa to shwomtole chang angkya mwot kox.
Jowanpa, ku Zang achuak angkya hanpakma kue Zangshwom-Hom tuita zai ang sütle ngole. Ija a otsao nui tuita ang changüi. Ku ilaxle ku khünaknue ikhama chix to shwomüi ilaxle ongan müikya sobu zokle changüi. Jento kwome ikhama chix ang otsao an tö koxle ngo angkya changle. Ja-nop to zokle ashunkya töbu koxüi ilaxle Sabath nyixchu ile wüi töbu kox angkya changle. Lyetzün Pangpwon hia mama otsao hanpakbu, kwome, Jowanpa, kwom Zang achuakle ima nui angkya changpu. Ile jento mokle ngo angkya kaxtom chixe kwom Israel nok ang koxle thomle.
Fongsax nyix hia pangpwonle ngopongma saxziak tö koxkya a maihupong chichangba chun ola tuipong foto khiata anyi ma ahankya othom tuita kox angkya changpu, iboma zangshwomkyabue chun hosa foto chempang koxsele tsupuix, ibu kox angkya changle. Saxziak tö khia tuita anyi ma ahankya othom tuita fo to olip münga pe tuita ali ma ahankya othom azom chithaile kox angkya changle.