LIWI 22:19 - OTSAO BAIBEL (BSI)

¹⁹ Pongle laxtsuak angkya hanpakma, ija a ofwot chitüikya ola chang koxle müiüi.

LIWI 22:19 ပူးပေါင်းရင်းမြစ်များ

LIWI 1:10

Hünzome chun chichangba zwon, ibu tö koxkya jangchang, müi a ofwot chizaikya ola chang angkya oli.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

JUHAN 19:4

Chatlechu Pilat hwom hato lai üntoxle thüi: “Hulax, chix ma kue thaikya chemchu münatak lekya kax ang kue chix hünzom hato alaipu.”

KAXHO MÜIKYA LUK 23:47

Süpahi akhokyae, chempangle changpuix ibu ngünlaxle Zang mün achuakle thüi: “Otsingtsingma chix a sukya khünak wüi changdaoa.”

KAXHO MÜIKYA LUK 23:41

Üntoxle künyie nang olom ma koplaxpu; chemthüikoxle künyie nang künyie mokdaokya tha thompu. Ikoxle ija mixsüne thaikya mwot chemchu chimok.”

KAXHO MÜIKYA LUK 23:14

üntoxle hwom ang thüi: “Hünzome ija khünak ku hato apüipu, üntoxle chixe khünaknu chichangkya lom to zun le pao ngole le thüipu; athax kue hünzom thüntho ma atwon le anodaoa, ikoxle hünzom kaxfyet bama chix thaikya kha kue münatak.

MATHI 27:54

Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

MATHI 27:24

Pitar-e chix kax chem angchu chilaxle noknu wuk mix huanuma adün angkya changlaxle le ngünkya zuma, chixe ti muale lax ilaxle chak sole thüi: “Ija khünak zikya bama ku thaikya müntüi hexo! Ija a hünzome moklaxpu!”

MATHI 27:19

Pilat kaxfün tüntong ma thungle tüiponge, chix kakonue chix hato kaxho tuita ahüi: “Ija otsao khünak to nange chemlechu taxmok; chemthüikoxle awün wünmang chito chix bama ku ang tüle sikngün daoa.”

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

LIWI 4:32

Nange ochax tö hanpak ang chun tuita apüile jangchang thüiningle, ija a ofwot chitüikya honu tuita chang angkya oli.

LAIPAO 12:5

Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

LIWI 21:18

Tsangtsa ma thai-waile tüikya khünake tö kox ang münthoüi; thütba: mik maxdaokya, cha faikya, pak-nyakle hia kux-kwomle tüikya, iningkyabu;

TSAITONG-KAXTONG 15:21

Ikoxle ibu müi to chemchemle jangchang, ibu faishokle, omik aduakle, chichangba chisu-chimüikya tütali janman tüile jangchang thüiningle, hünzome ibu a Jowanpa hünzom Zang ang tö kox ang taxlax.

LIWI 1:2

ibu a Israel noke tö koxle changpongma tole mok angkya wanlombu: Hünzom owawae Jowanpa hato tö kox ang tsom-pom apüikya zuma, hünzome hünzom tö, müizyem khatokya zwon chichangba chun apüiüi.