LIWI 22:18 - OTSAO BAIBEL (BSI)

¹⁸ Arun hia chix sasün hwom tamchu Israel khünaknu ang ibu wanlom kox angkya kaxtom fa. Chemtue Israel haxtok ma ngokya, Israel nok wüi changlax chichangba mixnok wüi changlax, owawae zokle ashunkya tö, tuita tsaosaxdaokya mwot tsuak ang koxkya wüi changlax chichangba mongtex tö koxkya wüi changlax, tö ang koxkya müi ma ofwot chemchu chitüi angkya oli changle.

LIWI 22:18 ပူးပေါင်းရင်းမြစ်များ

TSAITONG-KAXTONG 12:6

Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.

HUAKE LAIPEX 15:3

Maihupong tuita, chun ola tuita, chun tuita chichangba zwon tuita le Jowanpa ang zokle ashunkya tö chichangba tsaosaxdaokya thathom ang koxkya tö chichangba küntsu-monglua to koxkya tö chichangba hanpak-hanpak to koxle hüikya zanglom pangpwon tö ningle apüile kox ang tsuak. Ibu süt tö koxkya ozing-olong a Jowanpa zongto ongan tüle müikya changle.

LIWI 1:2

ibu a Israel noke tö koxle changpongma tole mok angkya wanlombu: Hünzom owawae Jowanpa hato tö kox ang tsom-pom apüikya zuma, hünzome hünzom tö, müizyem khatokya zwon chichangba chun apüiüi.

WANGSHEMBU MWOT 18:18

Korin ma Pol tüinao hwom füi obi nyix hex nui, ifüima hwom dantoxlaxle Prisila hia Akuila nyi füi Siria to khua ma pao. Khua ma paoüi thoma chixe tsaosaxlaxle Sankria ma kho-ong.

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

JONA 2:9

Ikoxlechu kue nang achuakle tsai ngaiüi; kue nang ang tö tuita koxüi ilaxle kue chem tsaodaopuix ija moküi. Khosün a Jowanpa tokhange hüipu!”

JONA 1:16

Ija ngünlaxle khuachei mixbu ang Jowanpa chathua za angkya ahüi ilaxle hwome chix thotha angkya tsaosax.

HWON-NWOT-JAONO 5:4

Ikhoma chemtue nange Zang pomtho ma tsaosaxle changüihex, ija a tsuakkya tukuxle chwonle thom ang azongkox. Chix füi ongatbu ang chem mwot müntüi. Nange chem tsaosaxle changdaopuix ija mokle alyet kox.

MÜNCHUAK-TSAI 116:18

Nang khünaknu tusox ma, Jerusalem angkya nang Zangshwom-Hom otsao nui ma, kue chem tsaosaxle changdaopuix ija kue nang ang koxüi. Kue Jowanpa achuak-achenüi!

MÜNCHUAK-TSAI 116:14

Chix khünaknu pangnu tusox ma kue chem tsaosax daopuix ija kue chix ang koxüi.

MÜNCHUAK-TSAI 66:13

Kue nang hom to zokle ashunkya tö apüiüi; kue chem tsaosax daopuix, kue ija nang ang koxüi.

MÜNCHUAK-TSAI 65:1

O Zang, kwome nang Zaion ma achuak angkya a asukya changle üntoxle nang kaxtsaobu thom angkya a,

MÜNCHUAK-TSAI 61:8

Ikhoma kue nang achuakle tsai ngaoüi othuithuima, nyixfokya to ku tsaosüt tö koxle changpongma.

MÜNCHUAK-TSAI 61:5

Nange ku tsaosütbu atatle kopdao, O Zang, ilaxle chempang nang chathua zakyabu kux changpuix ibu nange ku ang kox.

MÜNCHUAK-TSAI 56:12

O Zang, kue tsaosaxle changdaokya kue nang ang koxpu; münchong fakya ku tö kue nang ang koxpu,

MÜNCHUAK-TSAI 22:25

Nange chem mokdaopuix ija bama, khünaknu pangwüi asox pongma kue nang achuaküi; nang zangshwomkya khünaknu tunthoma kue tsaosaxdaokya töbu kue koxüi.

TSAITONG-KAXTONG 16:10

ifüima saxcha-wünle nuilax. Jowanpa hünzom Zang-e hünzom ang mohiman chemtukux koxpuix, ija ma thütle chix hato küntsu-monglua töbu apüile chix achuak-achenkya tüilax.

TSAITONG-KAXTONG 12:17

Hünzome Jowanpa ang koxkya oli chemchu hünzom ngwotnui to sax angkya oli münchang; hünzome tö ang koxkya saxziak, grepti-ju, olip-münga ilaxle pongwang ma puxkya osu-maihu hia chun hosabu chemchu ilaxle hünzome Jowanpa ang tsaosaxlaxle koxkya hingho, hünzome ma küntsu-monglua to koxkya tö ilaxle mama tö chemchu ma hom ma sax ang müntho.

LIWI 23:38

Ibu pangpwon a ozangjang to ngokya Sabath obo changle, ilaxle ibu tö a wanjang to koxkya hünzom hinghobu, hünzom töbu, oja hünzome ma kaxtsao kho-angui ang tamchu Jowanpa ang kox ang mongtex töbu oja apüipuix, ibu obo changpu.)

LIWI 17:13

Israel khünak wüi changlax chichangba mixnok wüi changlax, onok khama womle tüikya owawae, wanlom ma otsao ang laxkya müi chichangba o lang-huakle jangchangba, chixe ija aji hax to thokle awütüi ilaxle ija to hax füi chwople toxüi.

LIWI 17:10

Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

LIWI 7:16

Ikoxlechu chixe tsaotsüt tö koxle changpongma chichangba mongtex tö koxkya tuita jangchangba, chixe tö koxkya nyix ija saxüi, ikoxle ota-otua ofüinyix chuwüi saxüi.

LIWI 1:10

Hünzome chun chichangba zwon, ibu tö koxkya jangchang, müi a ofwot chizaikya ola chang angkya oli.

LAIPAO 12:5

Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.

LIWI 22:17

Jowanpae Mosa ang

AMOS 4:5

Chizakle ile mokkox ilaxle Zang ang münchong fale hünzome an tö laxkox, ilaxle hünzome töbu onüi apüikya bama tsaichong-kaxbongle changkox! Hünzome moksele tsukya a ijaningkya changle.

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

2 PUKAX-PANGAO 31:14

Imnah sasün Kore, Liwi sün tuita owa Zangshwom-Hom Handünchi Fülom nyetmixbu khama akhokya changkya hex, chix ang Jowanpa hato apüikya hingho ibu pongle kop angkya hia ahanle kox angkya hünlit kox.