LIWI 20:8 - OTSAO BAIBEL (BSI)

⁸ Ku wanlombu kax ma laxlax, chemthüikoxle ku a Jowanpa tamchu nang otsao ang zingkya Zang changle.”

LIWI 20:8 ပူးပေါင်းရင်းမြစ်များ

LAIPAO 31:13

kaxtom koxle thüi: “Ku hanpakma Sabath nyix thomlax, chemthüikoxle ija a hünzom tamchu ku, kem bama athax füichi hanpak ang jento münwan tuita ang changpu. Ija makhange hünzom a, Jowanpa, kue ku khünak ang zingdaoale aho angkya changle.

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

2 THESALONIKA 2:13

Tüi-hi-naohom, hünzom opang to Jowanpa-e mongkün puix, hünzom hanpakma othuithuima kwome Zang ang münchong fa angkya changle. Otsingtsing tokya hünzom mongong tokhange hünzom otsao khünakbu ang achang angkya hanpakma Chasa zong makhange khosün kop angkya bama pongwang lükya ang Zange hünzom zünle kopkya changle.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

LIWI 21:8

Khünaknue nguapa a atsaole lax angkya oli, chemthüikoxle sütli tö ku ang chixe tix koxpu. Ku a Jowanpa, ku a otsao changle ilaxle kue ku khünaknu otsao ang zingpu.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

MATHI 12:50

Chemthüikoxle owae zangkangting tokya Apa kax ma laxle tüiüi hex, ibu tix ku zongto anu tamchu kunao hwom changpu.”

MATHI 7:24

“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.

MATHI 5:19

Idaile owawae Wanlom ibu kha angkya ahiküsa ngaxchu chilaxle jang awüt thüiningle tamchu khünak hama ile mok ang apuale chifa thüiningle, zangkangting to chix ang pangnu füi ahikyale nyaküi. Ikoxle opange Wanlom ibu toüi hex tamchu mix hama ile mok ang apuaüi hex; zangkangting to akhokya ang chix changüi.

EZEKEL 37:28

Chemtue kue jento ajongle ngo angkya hanpakma hwom khato kue ku Zangshwom-Hom ajongle changüihex, ipongma chaxwannu noke ku a Jowanpa changpu ilaxle Israel nok a kue zünle kopkya ku khünaknu changpule awan ang kopüi.”

EZEKEL 20:12

Kwom ba angkya tsaotsüt tuita ningle tamchu hwom otsao ang achangle fakya a Jowanpa ku changpule texle ngo angkya hanpakmale kue hwom ang Sabath nyi nui angkya kox.

LIWI 19:37

Ku wanlom hia kaxtombu pangwüi kax ma laxle tüilax. Ku a Jowanpa changle.”

MATHI 23:17

Hünzom anga tamchu miksutbu changpu! Hun tsaotsao füi zingkya zangshwom-hom tuita füi ija hun wüi achongkya hia?

LIWI 19:19

“Ku kaxtom kax ma laxle tüilax. Mali-mali müi kuilex-litai ang taxtom. Haxtok jongta khama wüi mali-mali pün anyi tomle taxküi. Zi-li-anyi füi zingkya nyiwun taxlax.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

LIWI 22:32

Ku otsao mün thajaole chang ang taxtom, Israel khünaknu noke wüi ku a otsao changpule ngailax. Ku a Jowanpa ilaxle kue hünzom otsao ang achangpu.