LIWI 20:3 - OTSAO BAIBEL (BSI)

³ Owawae masu-masa Molek baozang ang koxlaxle ku otsao Nyihom chitsaokya ang achang tamchu ku otsao nui amale jangchang, kue chix chito tok ahoüi ilaxle ija khünak a ku khünak changle le münlax.

LIWI 20:3 ပူးပေါင်းရင်းမြစ်များ

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

LIWI 17:10

Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

EZEKEL 20:39

Jowanpa Khüthak Zang-e akaxle: “Ilaxle athax hünzom Israel khünak pangwüi, hünzom achwonlax! Paolax ilaxle hünzom chapabu thothale changlax! Ikoxlechu kue kaxkhün koxpu, athax ifüima hünzome ku kax ma laxle chang angkya wüi ilaxle hünzom chapabu ang hingho-chaktwonbu koxle changkya makhange ku otsao mün amale ngokya zak angkya oli changle.

HUAKE LAIPEX 19:20

Owa zanglom ma chitsaokya ang achangpuix ilaxle ma alüile atsaole chichangpuix, chix a chitsaokya ang ngoüi, chemthüikoxle atsao angkya ti füi chix to mali. Chixe Jowanpa Nyihom chitsaokya ang achangle idaile Zang khünak tuita le chieüi.

LIWI 15:31

Hwom pom osungkha ma tüikya Jowanpa ngwotnui Nyihom chitsaokya ang achangle chithai angkya kuxma, Jowanpae Mosa makhange Israel khünaknu ang ochax mwot mokle chithai angkya bama kaxkhün koxle zangwün.

1 PITAR 3:12

Otsao khünakbu khangkho ma, Jowanpa-e nyele ngole; ilaxle hwom zangjop to apale; ikoxlechu ochax mokkyabu to chixe abaxle.”

LIWI 20:4

Ikoxlechu chixe chem mokdaopuix, ija mo noknue chiwün homtoxle danle jangthom ilaxle ija mixsün chilang,

HUAKE LAIPEX 19:13

Owae müimang-mixmang to twonle laxpuix üntoxle ma alüile atsaole chichangpuix, chix a chitsaokya ang ngoüi, chemthüikoxle atsao angkya tie chix to mali. Chixe Jowanpa Nyihom chitsaokya ang achangpu, ilaxle chix a chemtuechu Jowanpa khünak tuita ang e-ma chilaxüi.

LAIPAO 30:33

Owawae ijaningle zingle jangchang tamchu nguapa chichangkya khünak owawa hanpakma ile jangtwon thüiningle ija a ku khünak le chieüi.’”

LIWI 7:20

Owae ma ma chitsaokya tüingale Jowanpa ang tumüi tö koxkya saxle changüihex, ija khünak a ma khünak tu angkya alaile changüi.

LIWI 7:21

Ilaxle owawae chitsaokya jali to, khünak chitsaokya mix towüi changlax chichangba chitsaokya müi towüi changlax tamchu chitsaokya zünmok towüi changlax lyetle jangchang thüiningle, ilaxle Jowanpa ang koxkya tumüi tö saxle jangchang thüiningle, ija khünak a ma othom kha angkya alai angkya changle.

LIWI 19:12

Nange chithomtsuak angkya ningle jangchang thüiningle ku mün ma hexle tsaosaxle taxchang; ile changkyae ku hato münma apüile. Ku a Jowanpa hünzom Zang changle.

LIWI 21:6

Chix a otsao ang ngo angkya tamchu ku mün chiama angkya changle. Chixe ku ang sütli tö koxle idaile chix a otsao chang angkya oli.