LIWI 2:9 - OTSAO BAIBEL (BSI)

⁹ Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

LIWI 2:9 ပူးပေါင်းရင်းမြစ်များ

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

LIWI 6:15

Chixe chak-khui ma awangle ankhix hia münga laxüi, ilaxle ija ma ongan amüi angkya so laxüi, ilaxle ibu pangwüi tuita Jowanpa ang koxkya mongmüi ahole tö-tsap ding ma zokle tö koxüi. Ija tö ongan müikya Jowanpa zongto zinglongle müikya tuita changle.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

LAIPAO 29:18

Ija chun ola komkaile tö-tsap ma wünkhut ang achangüi; ija a Jowanpa ang zokle ashunle koxkya tö changpu. Ija a ongan müikya füi wün makhange Jowanpa to tö koxkya changpu.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

LIWI 2:8

Ija Jowanpa hato tö tuita ang apüilax ilaxle ija nguapa chak to laxkox, chixe tix ija tö-tsap hato paoüi.

LIWI 2:16

Ikha angkya sax hia münga tamchu hidaole tamchu otex-tsyapi komkaile koplaxle nguapae ija zokle ashunkya tö koxüi.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 5:12

Nange ija nguapa hato apüiüi. Ija pangnu tsyen ang chakpuix tuita lax üntoxle nguapae Jowanpa ang süt tö hanpak ang tö-tsap ding ma zokle ashunle tö koxüi. Ija a ochax pao angkya tö ang changle.

LIWI 24:7

Jowanpa ang süt tö hanpak ang ankhao lüix ma ongan müikya so hidaopong pangnyi zyen ma dankox.

HUAKE LAIPEX 5:26

Ilaxle ija tsaotsüt mün ma chixe ikha angkya an chakpuix tuita kopüi ilaxle ija tö-tsap ding ma zokle ashunüi. Oshukma chixe ija mixcha ang ija ti ling ang tsanüi.

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.