LIWI 2:3 - OTSAO BAIBEL (BSI)

³ Ile saxziak tö koxkya füima ota toxkya a Arun hia chix sasün hwom hanpak ang changüi. Ija a wün ma zokle Jowanpa ang tö koxkya khama ataxkya otsao mwot changpu.

LIWI 2:3 ပူးပေါင်းရင်းမြစ်များ

HUAKE LAIPEX 18:9

Ataxkya otsao tö chempang wün to chitakle toxpuix, ibibi pangwüi nang kux: saxziak töbu, ochax töbu, tsangthom töbu. Hwome otsao tö le ku ang chempangsa koxlaxpuix ibu pangwüi nang üntoxle nangsu-nangsa hwom kux changüi.

LIWI 21:22

Iningkya khünak tuitae ku hato apüikya süt, otsao süt tamchu ataxkya otsao süt sax ang thoüi,

1 SAMUEL 2:28

Israel homjen pangnu khama kue chix kako-homkha khünakbu a ku zompu-zangpabu ang kamle kop. Tötsap ma ku thothale chang angkya sobu zokle ongan müikya angan angkya ilaxle ku füi zangwünle changüima nguapabue suakwex-nyi thole kop angkya ibu mwot kue hwom ang kox. Ilaxle kue tö-tsap ma zokle ashunle tö koxkya kha angkya hwom süntom süile tswonle kop ang tom.

LIWI 7:9

An songkya nui ma zingkya süt tö koxkya foto, ilaxle an-tsan khua ma zingkya tö pangwüi nguapa kux ang changüi.

LIWI 6:26

Nguapa owae ija müi tö koxüihex, chixe ija otsao nui, Jowanpa ngwotnui Nyihom nya-o ma saxüi.

LIWI 2:10

Ota tüikya tö a nguapabu hanpak changle; ija a ataxkya otsao, chemthüikoxle ija a Jowanpa hato apüikya süt tö kha angkya kopkya changle.

LAIPAO 29:37

Ija a nyixfole nyix anüt zinglax. Ifüima tö-tsap a komkaile otsao ang changüi, ilaxle owawae chichangba tütalie ija to lyetle jangchangba ija otsao tsak-zong makhange thamale changüi.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

IZRA 2:63

Hwom khama Urim hia Thummim to twon ang tsuakkya nguapa tuita matüi tanto hwome Zang ang koxkya kha angkya sax ang müntsuaküile Judah nok Gowarnor-e hwom füi akax.

LIWI 6:9

Arun hia chix sasün hwom ang ibibi wanlombu kox angkya kaxtom kox: Zokle ashunkya tö a zang angaile ashun thomüi, ilaxle wün chuale ngo ang tomüi.

LIWI 7:7

Thaikya-Tsangthom tö wanlom chuwüi ochax tö wanlom ningle changpu; ibu hanpak ang wanlom tuitata wüi changle; nguapa owae ochax pao angkya zomzingle khongai koxpuix, omüi a chix hanpak ang changpu.

LIWI 10:15

Hwome Jowanpa ang süt tö tuita ang müizao koxle changpongma müi ochung hia otsom tomwüi apüi angkya changpu. Jowanpa kaxtom ningle ibu a nang süntom; nang füi tomle nang naosombu zongto othuithuima hwom süntom ang ngoüi.”

LIWI 14:13

Chixe ija müi ochax tö hia zokle ashunkya tö ang koxkya müibu langkya onui ma langüi. Chixe ija mok angkya wüi changle chemthüikoxle ochax tö chuwüi ochax tö tuita ningle nguapa kux changpu tamchu ija a ataxkya otsao changpu.

EZEKEL 44:29

Saxziak tö, ochax tö, ilaxle tsangthom tö, ibu a nguapabu süt hanpak changpu, ilaxle Israel haxtok ma ku hanpak ang süile dankya pangwüi hwome kop angkya changpu.

EZEKEL 46:20

ilaxle chixe thüi: “Ijongkha a nguapabue ochax tö hia tsangthom tö ang koxkya, ibu tö lumkya nuibu changle; ankhix tö kox angkyabu chuwüi ikhama an ang achangle, ikoxle tix wüi chem otsao hex ija nui homtho to alaile khünaknu to saxsaole chang ang müntom.”