LIWI 2:16 - OTSAO BAIBEL (BSI)

¹⁶ Ikha angkya sax hia münga tamchu hidaole tamchu otex-tsyapi komkaile koplaxle nguapae ija zokle ashunkya tö koxüi.

LIWI 2:16 ပူးပေါင်းရင်းမြစ်များ

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

MÜNCHUAK-TSAI 141:2

Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi.

LIWI 2:12

Nange ibu puatak mün ma Jowanpa hato tö koxle apüi ang tsuak; ikoxlechu ibu a ongan müile zokle ashunkya tö koxkya tö-tsap dingma chidanüi.

LIWI 2:9

Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

LIWI 2:14

Chemtue nange Jowanpa hato puamün tö apüile changüihex, huakkya sax chichangba ija amyetkya sax kox angkya oli.

LIWI 2:15

Ija to olip müngae li ilaxle otex-tsyapi awonle changkox.

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.