LIWI 2:12 - OTSAO BAIBEL (BSI)

¹² Nange ibu puatak mün ma Jowanpa hato tö koxle apüi ang tsuak; ikoxlechu ibu a ongan müile zokle ashunkya tö koxkya tö-tsap dingma chidanüi.

LIWI 2:12 ပူးပေါင်းရင်းမြစ်များ

LAIPAO 23:19

“Zangfole hünzome pongwang ma zütkya tsaxziak, Jowanpa, hünzom Zang, ku hom to apüiüi. Hünzome chun hia zwon hosabu müi honu tsomti khato taxsong.

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

2 PUKAX-PANGAO 31:5

Kaxtom koxkya füi tomle, Israel khünakbue hwom manzai puamün amüimüi, tsaxziak, grepti-ju, olip münga, nax-ti, tamchu mama haxtok ma alaikya oli pangwüi apüile kox, ilaxle hwom ma atüitüi pangnuli angkya bünfongbu chuwüi hwome apüile kox.

TSAITONG-KAXTONG 26:10

Idaile chixe ku ang mohiman koxkya kha angkya Jowanpa hato kue puamün sax apüile koxpu.’ “Ifüima Jowanpa tunthoma ija nua atuaküi ilaxle ikhama chix tong shwomle changüi.

HUAKE LAIPEX 15:20

Chemtue hünzome an ashik-ahanle changpuix, puatak sax makhange zingkya pongwang angkya an a tuita ataxkya tö ningle Jowanpa ang koxüi.

LIWI 7:13

Mongmüi tö füi tomle twonkhax awonkya ankhao chuwüi chixe kox angkya changle.

LAIPAO 22:29

“Otu nguikya zuma hünzome ku ang, hünzom sax hia grepti-ju, hünzom olip münga, ibu tö koxhüi. Pongwang puxkya hünzome ku ang koxhüi.

PONGWANG LAIPEX 23:17

Ijaningle Mamre zongma handün chikao angkya tuina oja Efron kux changkya hex, Abraham kux ang achang. Ikhama haxtok, longlua ilaxle ija khama tüikya pünzua longzi alople tüikya ibu pangwüi wom.

1 KORIN 15:20

Ikoxle otsingtsing a ija changle: Khrista zidaokya chatle azangle zokya changle, idaile zipu le shuile ngokyabuchu azangle zo angkya jao changle.

LAIPAO 34:22

“Hünzome tsaxtu ang osütwangle tüipongma Saxcha nyakle saxcha-wünkya tüilax. Tsax züt komle changkya füima pomsa pangpwon puakya tüilax.

LIWI 23:17

Otsao hingho tuita ningle pangnu homkha tokya wüi ankhao anyi pong apüile Jowanpa ang laxkox. Ankhao tuipong a ankhix tuak anyi, twonkhax füi awon zing angkya changle ilaxle ija a saxcha-wünkya ningle Jowanpa hato tö ang apüile koxüi.

HUAKE LAIPEX 18:12

“Israel khünaknue zangfo to ku ang koxkya kha angkya, haxtok ma alailai, sümüimüi kue nang ang koxpu: Olip münga, grep-ti, ilaxle saxziak iningkyabu a.