LIWI 19:30 - OTSAO BAIBEL (BSI)

³⁰ Sabath nyix atsaole thomlax, ilaxle ku shwomkya ma achuaklax. Ku a Jowanpa hünzom Zang changle.

LIWI 19:30 ပူးပေါင်းရင်းမြစ်များ

LIWI 26:2

Zanglom pangpwonbu thomlax tamchu ku to shwom-to le changkya nui achuak-achenle changlax. Ku a Jowanpa changle.

HWON-NWOT-JAONO 5:1

Zangshwom-Hom to nguikya bama khünzailax. Ikhato, chisukya hia sukya nyi ba süile awang ang chithokya ongat khünak tuita ningle tö koxkya füi tütali olom tsingle lax ang nguikya wüi tüichong.

LIWI 19:3

Hünzome pangnusae wüi manu hia mapa chathua zale tüi angkya changpu, üntoxle Sabath nyix nuiüi. Ija a, ku, Jowanpa, hünzome Zang-e fakya kaxtom changle.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

MATHI 21:13

Ilaxle hwom ang thüi: “Otsao Lai Kax ma zale thomkya ile tüile: ‘Ku Hom ang Zang Job-Hom le nyaküi.’ Ikoxle hünzome ija ahux mixbu azwonkya nui ang achangle thomle!”

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

LIWI 16:2

Chixe thüi: “Hüntüi Arun ang, chix a Ataxkya Otsao Nui to otutu matix dong angkya changle, le thüilax; büthüikoxle Tsaotsüt Suak tüikya kha a, ija ding ma tüikya Chingcha Ngwotnui ma, zangfwom khato ku ngaile ahokya kha changle. Ija kax ma chilax jangthüiba chixe ma mik-max angkya ataküi.

LAIPAO 20:8

“Sabath nyix nuilax ilaxle ija atsaole thomlax.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

2 PUKAX-PANGAO 36:14

Ito obo ang, Judah nok lompabu, zompu-zangpa hwom, ilaxle khünaknu, ibu hwom akhople tüikya khünakbu ningle chapabu to shwomkya olom tole ochax lyenle changkya khoma, Jowanpa, chix jaoe atsaole dankya Zangshwom-Hom chitsaokya ang achang.

2 PUKAX-PANGAO 33:7

Zang-e Dawid hia chix sasün Solomon hokhi füi: “Israel nok homjen 12 haxtok pangnu khama, ija Jerusalem ma, ija Zangshwom-Hom ma ku to shwom angkya hanpakma kue zünle kop.

LIWI 15:31

Hwom pom osungkha ma tüikya Jowanpa ngwotnui Nyihom chitsaokya ang achangle chithai angkya kuxma, Jowanpae Mosa makhange Israel khünaknu ang ochax mwot mokle chithai angkya bama kaxkhün koxle zangwün.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

EZEKEL 9:6

Zunu-zupa, naocha-naosün, nüchabu, honu hwom, tamchu naosombu pangwüi lang kox. Ikoxlechu khangpong ma manwan füikya khünak to taxtwon Ija mwot ija ku Zangshwom-Hom makhange owang wang kox.” Ikhoma hwome ikhama Zangshwom-Hom ma ajongle tüikya lompabu makhange owang wang.