LIWI 19:2 - OTSAO BAIBEL (BSI)

² Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

LIWI 19:2 ပူးပေါင်းရင်းမြစ်များ

LIWI 20:7

Malailai to tsaole ngolax, chemthüikoxle ku a Jowanpa hünzom Zang changle.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

LIWI 21:8

Khünaknue nguapa a atsaole lax angkya oli, chemthüikoxle sütli tö ku ang chixe tix koxpu. Ku a Jowanpa, ku a otsao changle ilaxle kue ku khünaknu otsao ang zingpu.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

AMOS 3:3

Katzua chitüi homtoxle mixhuak anyi tomtomle wünham ang laizai chami?

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

LAIPAO 22:31

“Hünzom a ku khünaknu, idaile faomüie langkya müimang chemchu hünzome chisaxüi; itülüi ija hibu ang laxkox.

LIWI 19:1

Jowanpae Mosa ang

JIHUSUA 24:19

Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

MÜNCHUAK-TSAI 99:3

Pangnusae chix chongkya hia taitax mün achuaküi. Chix a Otsao changle!

LIWI 21:15

Ile chichang thüiningle, sasün hwom opang otsao ang changsehex, hwom a wanlom ma chitsaokya ang laxüi. Ku a Jowanpa, ilaxle chix a kue Nguakho ang süile dankya changpu.”

LIWI 21:23

ikoxlechu chix a je-kwomle tüikya khünak tuita daile, chix a otsao nui atsyenkya nyinu hato chisoxüi tamchu tö tsap hato chisoxüi. Chixe ija otsao akhu ang chitomüi, chemthüikoxle ku a Jowanpa tamchu kue hwom atsaole zingpu.”

TSAITONG-KAXTONG 27:10

idaile chix kax ma laxle tüilax ilaxle anyix kue hünzom ang koxle ngokya kaxtombu thomlax.”