LIWI 19:17 - OTSAO BAIBEL (BSI)

¹⁷ “Nange ma tomzi to mongto khax-khule taxchang, ikoxle hünzom ba angkya zangwün zingmüi ma tsuakdao, ile changkox tix wüi hwom zongto nange ochax lyenkya müntüiüi.

LIWI 19:17 ပူးပေါင်းရင်းမြစ်များ

1 JUHAN 2:9

Owawae ma zangngai ma ngopule akax üntoxle matüi manao to anule jangchang, ituk kople chix zangnaknu khato ngotan changle.

KAXHO MÜIKYA LUK 17:3

Hünzome malualua to khünli lax. Nang tüinaoe nang zong to jangachax thüiba, chix to sakox, ilaxle chixe mong jangalüix thüiba chix ang thailak laxkox.

1 JUHAN 2:11

Ikoxlechu owawae matüi manao to anukya jangtüi; chix ikhama ahampu ilaxle ochichi to paoüihex chixe münawan, chemthüikoxle zangnaknue chix mik apwom ang tomdaoa.

GALATIA 6:1

Tüi-hi-naohom, owawae thaile mokmo ngokya janglop thüiba, hünzom chasa otsao ma ngokyabue chix achangle kox angkya oli changle; ikoxlechu hünzome ija jonai ma mok angkya changle. Ilaxle hünzom tochu wüi thwontsingkya naktüio le khünkhi lax.

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

WANWÜNKAX 9:8

Kax ma chilaxle tüikya khünakbu to otuechu achang ang taxazongzi; ija khokho ma hwome nang to miktsakkya tüiüi. Ikoxlechu nange jetüi-hwonlangkya mix to achangle fakya jangtüi, hwome nang chathua zale changüi.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

TITA 1:13

Ikhoma nange hwom to azaxle sa angkya changle, ikoxletix mongong ma hwom owan müiüi,

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

1 TIMOTHI 5:20

Ochax lyenkyabu pangnu to tu ma sakox, ikoxle mamabuchu wüi zaüi.

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

MÜNCHUAK-TSAI 141:5

Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

PONGWANG LAIPEX 27:41

Mohiman lili hopae bakle chix ang koxkya khoma Esau-e honao to miktsak. Chix mongto thüi: “Athax apa mangsop angkya hanpak chwonpu. Chix tokfüi ma kue Jakop langüi.”

2 SAMUEL 13:22

Honao Tamar to atsangle shingnünle thaikya khoma Absalom-e Amnon thua huanuma anu ilaxle zang ngaxchu chiwünle atsai.

NEHEMIA 13:17

Kue Judah nok lompabu to sa ilaxle hwom ang thüi: “Hünzome mokle ngokya ochax to hulax! Hünzome Sabath a tuita chitsaokya ang achangdaoa.