LIWI 19:16 - OTSAO BAIBEL (BSI)

¹⁶ Owawa bato khualople taxchang, ilaxle owawa a chix khüzün hanpakma kaxfün khwa ma tüipongma, nang zangwüne chix to kaxjua fongtsuak angkya olom jangtüi thüiningle ija akaxle laxkox. Ku a Jowanpa hünzom Zang changle.

LIWI 19:16 ပူးပေါင်းရင်းမြစ်များ

LAIPAO 23:1

“Nange kaxthai zangwünbu taxapuk, tamchu mikngün kaxkhi othai koxlaxle chisukya mix to fongle taxchang.

LAIPAO 23:7

Chichang khato hux taxfe ilaxle chem mün chitsingkya khünak tuita mik max ang taxtom, chemthüikoxle iningkya ochax mwot mokkya khünak kue ahaiüi.

WANWÜNKAX 20:19

Zaman mix tun ma huxsa zangwün tsyenle thom ang müntho. Alüile zangwünkya khünakbu füi atsaile ngolax.

EZEKEL 22:9

Hwom mik amüt angkya hanpakma hünzom kha angkya züizüie owawa hanpakma kaxthai zangwün alaile khualople. Hwom züizüie chapabu ang koxkya töbu chuwüi saxle. Züizüie a jento mix mikzalokya mongzom amüile ngole.

JEREMIA 9:4

Ma zuikhuibu zongto pangnusasa wüi mik-hingle ngo angkya changpu, ilaxle haxnu-homsa to owaechu mongong angkya müntüi; chemthüikoxle mamixbu chuwüi pangwüi Jakop lailaile mix dyenle tüile, ilaxle pangnusasae wüi ma zuikhuibu ajao-ahaile changle.

JEREMIA 6:28

Hwom a khop hia jan ningle tsakle tüikya mongwüi khüi tangtangle alün-aloxle tüikyabu changle. Hwom pangwüi khuafaole ahamkya hia za-amanle ngokya füi komkaile amadaoa.

WANWÜNKAX 11:13

Khualop mix owatochu huxsa zangwün bama mongong angkya müntüi, ikoxle owawa mongong koxle asule tüikya khünak to nange chalom ang tsuak.

1 PITAR 2:1

Jowanpa ipongpongle müikya hünzome wanle jang anodao thüiba, chimüikya oli pangnu, atsekya pangnu, künkux-mongkwom, osing-nüfux üntoxle tsaima-kaxshix pangwüi awütdao.

MÜNCHUAK-TSAI 15:3

üntoxle owae mix to kaxma chithüipuix. Hwome ma zuikhui zongto thaikya chimok chichangthüiba tomzi bama khualople chichang.

LAIPAO 20:16

“Owa machu chichangkya kaxhux taxfe.

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

2 TIMOTHI 3:3

akak akünkya chitüi, chingchajaja chitüi, mix zia ama ang tungkyabu, shixle zochongkyabu, ilaxle za-adünkya, ibu hwom ma tüiüi; hwome müikya thua anuüi;

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

TSAITONG-KAXTONG 27:25

“‘Owawa angkya ngun lax üntoxle imün to chemngax chichangkya mix langle awütkya mix to Zang-e thuakzomkya tüikox.’ “Noknusae lanüi, ‘Amen!’

JOB LAIPEX 17:5

Kaikya wanwünkax ma, khünak tuitae ngun bama zuikhui dyen; Ija khoma sasün hwome sikngün apongpu.

1 SAMUEL 24:10

Nange hukoplax, athax ile longkun mong ma nang a Jowanpae ku chak to koxdaokya. Ku khünak züizüibue nang a langkoxhule thüikya, ikoxlechu nang hanpakma ku mongto kak ilaxle kue nang to ikuxsa ngaxchu chakmok-janlangle oma chemchu chimoküi, chemthüikoxle nang a tuita Jowanpae kamle kopkya wanghompa changle le kue akaxpu.

MÜNCHUAK-TSAI 50:20

Hünzom a ma-mixbu ma kaxhux-fe ang othuithuima chwonle ngopu, hwom ma thaikya lomle atak angkya hanpakma a.

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

WANWÜNKAX 10:18

Miktsak khomle thomkya khünak pangwüi tselopbu changpu. Khualop-zangwün atsatle changkyabu a ongatbu changpu.