LIWI 19:11 - OTSAO BAIBEL (BSI)

¹¹ “Tax-ahux chichangba mix taxdyen chichangba taxatse.

LIWI 19:11 ပူးပေါင်းရင်းမြစ်များ

LAIPAO 20:15

“Taxahux.

KOLOSI 3:9

Tata füi kaxthai le zang taxwün; chemthüikoxle hünzom amikya khünak chix mwot füi tomle amütdaoa,

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

MÜNCHUAK-TSAI 101:7

Ku chongwang homkha ma khualop mix owachu ngo ang müntom; ku tüikya khama künkux-mongkwom owachu ngo ang müntom.

ROM NOK HATO ZAKYA POL LAIZA 3:4

Ile otuechu münchang! Khünak nok wüi atse koxlechu, Zang a otsingtsing ma wüi ngo angkya changle. Otsao Lai Kax ma tüikya ningle, “Nange zangwün ma otsingtsing, changle le aho angkya changle; Tse atwonkya zangwün ma, nange wüi lüt angkya changle.”

TSAITONG-KAXTONG 5:19

“‘Nange taxahux.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 TIMOTHI 1:10

omüi-oma süile tsing ang chitsuakkyabu hanpakma, ahuxle mix kople paokyabu hanpakma, atse le zangwün ilaxle othai kaxkhi fakyabu hanpakma, tsaothale sungoünkya Baibel kaxtong füi apüile saxmokkya chemchem jangtüi thünba, iningkyabu hanpakmale zingkya changpu.

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

MÜNCHUAK-TSAI 116:11

ku zalaxle “Owa to mongong angkya müntüi”, le thüipong ma ngaxchu.

LAIPAO 22:7

“Khünak tuitae mixkux thanu-juapa thashe ma thom ikoxle ibu tuina chix hom angkya ahuxle pao. Ahuxmix kople jangchang, chixe paokya to othom anyie nüile tsangthom ang tom angkya changle.

LAIPAO 22:1

“Khünak tuitae maihu chichangba chun ahux üntoxle langle sax chichangba hangle awütkya jangtüi; chixe maihu tom tuita hanpak ang maihu tom aga ilaxle chun tuita hanpak ang chun tom ali tsangthomle kox angkya wüi changle.

LAIPAO 20:17

“Mixkux-mixka to za-taxlo; mix kakonu, mix da, mix tsom-pom, chichangba mixtui-mixna chemtochu osingkya taxtüi.”

1 WANGHOMBU 13:18

Ipongma Bethel angkya azupa aje-e thüi: “Ku chuwüi nang lailaikya ajepa tuita changpu, ilaxle Jowanpa kaxtaimixe nang a ku hom to se ilaxle fong asüt angkya ku füi akaxle changdaoa.” Ikoxle ija azupa aje a atsingle akaxkya changkya.

LAIPAO 20:16

“Owa machu chichangkya kaxhux taxfe.

LAIPAO 23:1

“Nange kaxthai zangwünbu taxapuk, tamchu mikngün kaxkhi othai koxlaxle chisukya mix to fongle taxchang.

LIWI 19:10

Alakle dantox daokya hia dütle ngoünkya grep ziak tswon ang ija haxtok makhange tam taxle ngo; ibu a mixnokbu hia zasa-khaxsabu hanpak ang dantox dao. Ku a Jowanpa hünzom Zang changle.

2 SAMUEL 17:20

Absalom nguakax-wangkhobu ija hom to nguilaxle atüi: “Ahimaz hia Jonathan nyi omaün?” She-e lan: “Okhi pi shua tale ledaoa.” Khünakbu hokhi tüichale lomle hu ikoxle chibang, ikhoma hwom Jerusalem to chat.

WANWÜNKAX 24:28

Otsingtsing tsaitong-kaxza chitüi thüiningle mix bama kax ngaikya taxtüi, chichangba hwom bama ochei lom to zunle alyet angkya oli tüi ang taxtom.