LIWI 18:5 - OTSAO BAIBEL (BSI)

⁵ Kue mokkya mwot hia ku wanlombu ningle moklax; ile jangmokba nange nang khüzün sünle kopüi; ku a Jowanpa changle.”

LIWI 18:5 ပူးပေါင်းရင်းမြစ်များ

ROM NOK HATO ZAKYA POL LAIZA 10:5

Wanlom kax ma laxkya tokhange Zang füi muamüi angkya bama Mosa-e zakya a ija: “Wanlom kax ma laxle saxmokkya mix, ija makhange azangle ngoüi.”

EZEKEL 20:11

Ibu kax ma laxle changkya hato khüzün apüi angkya ku kaxtombu hwom ang kox ilaxle ku wanlombu anole kox.

GALATIA 3:12

Ikoxle wanlome mongong füi mok angkya chemchu müntüi. Otsing tomtata ma Otsao Lai-e akaxkya ningle: “Wanlom ma alomlom lwot owae tole tsuaklaxpuix chixchu wüi imakhange ozün ma ngoüi.”

KAXHO MÜIKYA LUK 10:28

Jisu-e chix ang thüi: “Nang kaxlan changtomtale, ile moklax ikoxle nang ozün ma ngoüi.”

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

LAIPAO 6:2

Jowanpae Mosa füi akaxle thüi: “Ku a Jowanpa changle.

MALAKI 3:6

“Ku a Jowanpa changpu ilaxle ku otuechu lüixchüix le müntüi. Ilaxle hünzom Jakop sixli hwomchu athax kople pangwüi maxdaoa le münchang.

LAIPAO 6:29

ijama chixe thüi: “Ku a Jowanpa changle. Nang füi kue akax daokyabu pangwüi nange chix hama wünle laxkox.”

MATHI 19:17

Jisu-e lan: “Amüikya bama ku ma chem ang atüipu? Amüikya a tuita wüi. Oshuk chitüikya khüzün kopse jangtsuba Zang kaxtombu thomlax.”

ROM NOK HATO ZAKYA POL LAIZA 7:10

Wanlom ojae hünzom khüzün kox angkya hex, ijae ku a omang changle le ahole.

LIWI 18:6

Jowanpa-e wanlom ibibi fa: Ma haxnu-homsa khama owa füi chu chinunchakkaile taxchang.

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

EZEKEL 18:9

Iningkya khünake ku kaxtombu kax ma laxle ilaxle ku wanlombu khile thomle. Chix a otsao khünak changle, ilaxle chix a ozün ma ngo angkya wüi changpu”, le Jowanpa Khüthak Zang-e akaxdaoa.

TSAITONG-KAXTONG 30:6

Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”