3 Kaipongma hünzom ngole toxdaokya Ijip nok chichangba kue hünzom zunle apüile ngokya Kanan haxtok, ibu ma tüikya khünakbu ningle taxchang.
Ikhato tüikya mixnok wanlombu taxapüi; hünzome ija haxtok to nguitsuak angkya hanpakmale kue ibu songsaribu jwonle apaopu. Hwom ochax mwot pangwüi makhange hwome ku thajao ang tomle.
Hwom baozangbu tong to taxakhux tamchu ibu to taxshwom. Ibu nok mwottho laxle taxkop. Hwom baozangbu amadao ilaxle hwom otsao long thuple akhixdao.
Ijip nok to ngopongma naocha chang zakle oja tsangtsa hangkya mwot mokle hüipuix ija tamchizak. She naochasa ang ngotan tokhange wüi, lükabu she füi jip-pomle she a tuita tsangtsa hangkya mixcha thama twonle hüi.
Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.
ikoxle hwome ibu füi atu-amaile chang ilaxle hwom songsaribu zanglom twon ang azong.
Jowanpa hünzom Zang a ibu khünakbue hwom baozangbu to shwomkya lailaile taxshwom.
“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.
Chix khünakbu nguikya zuma Jowanpae jwonle apaokya khünakbu zomzang hwome lax, ilaxle Israel nok wanghome apüikya zomzangbu chu kop.
Pün, long, khop hia hun, ibu füi zingle tüikya, ibu nok baozang chapabu hünzome ngünle hüipu.