LIWI 18:25 - OTSAO BAIBEL (BSI)

²⁵ Hwom mwot-kat makhange ija haxtok a chitsaokya ang achangle. Ikhoma Jowanpae haxtok to thuakzomle ilaxle ikhama ngokya khünakbu pongle chikopkya ang achangle.

LIWI 18:25 ပူးပေါင်းရင်းမြစ်များ

LIWI 18:28

ile changkox tix, hünzom thoma bangkya songsaribu awütkya ningle awütkya ningle haxtoke hünzom mün-awütüi.

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

MÜNCHUAK-TSAI 106:38

Chem-mün chiawankya naosom ibu hwome lang, ilaxle haxtok a ibu mik amütkya tokhange chitsaokya haxtok ang achang.

HOSIA 2:13

She-e Bal baozang tuntho to so zokle tamchu she likwünbu aza-apua laxle she mowünpabu füito ziküima ku alakle asamkya tu-wan hanpakma kue she to sikangünüi.

JEREMIA 23:2

Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

JEREMIA 14:10

Jowanpae ibu khünakbu bama akax: “Ku ha angkya zikle paokya to hwome luale, ilaxle hwome alüile ma akum-athumle münchangüi. Ikhoma ku ang hwom füi mong münmüi. Hwome mokdaokya thaikya mwotbu kue akhax thomüi ilaxle hwom ochaxbu khoma hwom to sikangünüi.”

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?

ISAIA 26:21

Jowanpa a chix ngwotnui zangkangting tokhange, hwom ochaxbu khoma chaxwannu angkya khünakbu to sikangün ang nguile ngole. Chaxwan tok ma zuile mix mik amütkyabu kotok to angaiüi, ilaxle mik amütdaokyabu chaxwantoke athax pyenle münthom.

TSAITONG-KAXTONG 18:12

Iningkya nushix-dongkya mwot mokkyabu thua Jowanpa hünzom Zang anule, ija khoma hünzom hüikya füi tomle ibu mixjat-mixlibu Jowanpae ija haxtok angkya jwonle apao angkya changle.

ROM NOK HATO ZAKYA POL LAIZA 8:22

Chemthüikoxle athax kopkya bama Zang chakzing pangnu wüi naongün pongma sikngün le akhongkya ningle sikngün laxle akhong ngokya keme awanle.

HOSIA 9:9

Hwome mokkya ochax ma hwom a laxli chitüile chichang-chizangle Gibeah ma mokdaokya ningle chang. Zang-e hwom ochaxbu texle ataküi ilaxle ija khoma hwom to sikangünüi.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

MÜNCHUAK-TSAI 89:32

izuma hwom ochaxbu khoma kue hwom sikangünüi; hwom thaikyabu khoma kue hwom fuxtsüi ang tomüi.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

LIWI 18:26

Ibu chisumüikya mwotbu pangwüi hwome mok, ilaxle haxtok chitsaokya ang achangle, ikoxlechu hünzome ibu a chimoküi. Hünzom pangwüi, Israel nok wüi changlax, mixnok wüi changlax, hünzom füi tüikya khünak noke wüi Jowanpa wanlom hia kaxtombu kax ma laxle tüi angkya oli changle;

TSAITONG-KAXTONG 21:23

ija a zang angaile thom angkya oli münchang. Ija a inyixnyix wüi akhün angkya oli, chemthüikoxle khünak mang pün ma ashale thomkyae haxtok hato Jowanpa thuakzom apüiüi. Mang a akhünlax, ile changkox tix Jowanpa hünzom Zang-e hünzom ang koxle ngokya haxtok chitsaokya haxtok ang münachangüi.

1 WANGHOMBU 21:26

Israel khünakbu nguipongma Jowanpae ija haxtok angkya jwonle apaokya Amon nokbu lailaile chapa to shwomkya makhange chixe pangnu füi akhokya zakkop ochax mwot mok.)

IZRA 9:11

nang dapabu, aje hwom makhange nange fakya kaxtom kax ma chilaxle tüidaoa. Hwome kwom hama kwome koplax angkya haxtok a chitsaokya haxtok changle chemthüikoxle ikhama ngole tüikya khünaknue kaochi makhange atakao kople nushix dongkya hia chimüikya mokkya mwotbue amünle tüidaoa.