LIWI 18:21 - OTSAO BAIBEL (BSI)

²¹ Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

LIWI 18:21 ပူးပေါင်းရင်းမြစ်များ

TSAITONG-KAXTONG 12:31

Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

LIWI 19:12

Nange chithomtsuak angkya ningle jangchang thüiningle ku mün ma hexle tsaosaxle taxchang; ile changkyae ku hato münma apüile. Ku a Jowanpa hünzom Zang changle.

TSAITONG-KAXTONG 18:10

Ibu tö-tsap ma tüikya wünkha to hünzome masu-masabu zokle ashunle taxchang; hünzome khünakbu ang o-nan, jenu-shipa

LIWI 22:32

Ku otsao mün thajaole chang ang taxtom, Israel khünaknu noke wüi ku a otsao changpule ngailax. Ku a Jowanpa ilaxle kue hünzom otsao ang achangpu.

WANGSHEMBU MWOT 7:43

Hünzome nwonle ahamkya a, hünzom zang Molok hia Refan nyi; lyettsi zang chapa thomkya nyihom changkya; hünzome shwom ang zingkya, ija a omua changkya. Idaile kue hünzom a, Babilon akaile paoüi.’

MALAKI 1:12

Ikoxle ku tö-tsap ma olüi chemchu müntüile akax ilaxle nange chisaxle awüt daokya süt apüile tö koxle changkya makhange hünzome ku ajaodaoa.

JEREMIA 19:5

ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

1 WANGHOMBU 11:33

Solomon-e ku awüt laxle mixnok baozangbu to shwomle changkya khoma kue ija ile mok angkya changle. Chixe Sidon baozangchanu Astarte, Moab nok baozang Kemosh; ilaxle Amon nok baozang Molek, ibu to shwom. Solomon-e ku kax ma münlax; chixe chisule mokdaoa ilaxle hopa Dawid ningle ku wanlom hia kaxtombu münthom.

1 WANGHOMBU 11:7

Jerusalem zongma handünchi angkya haxnu ma chixe Kemosh, nushix dongkya Moab nok baozang hia Molek, nushix dongkya Amon nok baozang nyi to shwom angkya onui zing.

LIWI 22:2

Arun hia chix sasün hwom füi akax angkya kaxtom koxle thüi: “Hünzome ku mün otsao hato thajao taxapüi, idaile Israel khünaknue ku hato apüikya otsao tö to müile humele changhüi. Ku a Jowanpa changle.

AMOS 5:26

Ikoxle athax a, hünzome Sakkuth muabu, hünzom wanghom baozang to, ilaxle Kaiwan angkya, hünzom lyettsi baozangbu to shwomle, kue hünzom zanda ang Damaska haxtok akaile paopongma hünzome ibu muabu azyale ahamkya changüi.

EZEKEL 23:37

Okhie chapabu füi chinunchakkaile chang ilaxle hokhie ku ang puxle koxkya naosombu langle changdaoa. Okhie ku naosombu hwom chapabu ang tö koxle chang.

EZEKEL 20:31

Anyixchu hünzome ibu chapabu tuitata ang wüi wün ma masu masabu zokle ashunle tö koxle hinghobu koxkya makhange ma alüile chitsaokya ang achangle. Ilaxle hünzom Israel khünaknu ku hato ku mongtex bama atüi ang nguingotüi! Ku a Jowanpa ozün ma ngokya Khüthak Zang changle, idaile kue hünzom ang ku ma chemchu tiksho chang ang müntomüi.

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

2 WANGHOMBU 16:3

chixe Israel nok wanghombu man to. Israel noke hwom haxtok alople changpongma, Jowanpae jwonle apaokya khünakbue mokkya, nushixdongle baozang to shwomkya olom tole, chixe chix sasün tuita zokle ashunkya tö hanpak ang chapa ang kox.

LIWI 21:6

Chix a otsao ang ngo angkya tamchu ku mün chiama angkya changle. Chixe ku ang sütli tö koxle idaile chix a otsao chang angkya oli.

ROM NOK HATO ZAKYA POL LAIZA 2:24

Otsao Laikaxe thüile: “Hünzom Jehudi khünaknu khoma hexle mixnokbue Zang mün amale zangwünle.”

ROM NOK HATO ZAKYA POL LAIZA 1:23

tam chizi chimax angkya Zang tongshwom haxkux tsyento, hwome zile maxün angkya khünak ningle chichangba osabu ningle chichangba müibu ningle chichangba alyangle ahamkya müibu ningle chapabu zinglaxle shwom.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

EZEKEL 20:26

Kue hwom a, hwome koxkya töbu makhange hwom alüile chitsaokya ang chang ang tom, ilaxle hwom ang tüichongsasa tö kox ang tsan. Ija a hwom to sikangün ang tamchu ku a Jowanpa changpule aho angkya hanpakmale chang.

MIKA 6:7

Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?

LIWI 24:15

Ifüima Israel khünaknu hama Zang to thuakzomle changkyabue iningkya thama apong angkya changle,

2 WANGHOMBU 17:31

Iwah khünakbue Nibhaz hia Tartak chapabu zing, ilaxle Sefarwaim angkya khünakbue hwom baozang Adramelek hia Anamelekbu ang masu-masabu zokle ashunkya tö ang kox.

AMOS 2:7

Hwome chitho-chilün hia juafong angkya chitüile maxngokyabu tingle akhündaoa ilaxle mixshix-zasabu hwom lom ang thwomle apaodaoa. Hopa hia sasün nyie danucha tuita füi tomwüi nganguile changdaoa, ilaxle ku otsao mün akhu ang tomdaoa.