LIWI 17:7 - OTSAO BAIBEL (BSI)

⁷ Zwon ma amuakya baobu ang kothofa to müilang laxle tö koxle, athaxpi Israel khünaknu ang Jowanpa to mong chiongle chitüi angkya oli münchang. Füichima Israel khünaknue ija wanlom a jento thom angkya oli changpu.

LIWI 17:7 ပူးပေါင်းရင်းမြစ်များ

1 KORIN 10:20

Münchang! Kue a, tö oja songsaribue koxpuix, hwome Zang ang koxkya münchang ikoxle bao ang koxpu, le thüiwüi. Idaile hünzom baobu füi üitho ang achang angkya to kue münlua.

LAIPAO 34:15

Ija chaxwan tokya khünak owa füichu tingmüi-nokzingle taxchang. Chemtue hwome hwom baozangbu to shwomle ibu ang tö koxle changüihex, hwome hünzom ahyenüi, ilaxle hwom baozangbu ang tö koxle changdaokya süt asüt-sele hünzom to thwontsingüi.

2 PUKAX-PANGAO 11:15

Jeroboam-e chix lualua to zompu-zangpabu kam ilaxle songsaribu baozang to shwomkya nui to mwot mokle chang ang tom ilaxle baobu hia maihu lailaile zingkya chapabu to shwom ang tom.

TSAITONG-KAXTONG 32:17

Otsing chichangkya baozangbu ang hwome tö kox, hwom pupa hwome otuechu chitik toxkya baozangbu ozün, Israel noke otuechu ibu kax ma chilaxle tüikya baozangbu.

MÜNCHUAK-TSAI 106:37

Hwome tö ang masu masabu koxle Kanan nok chapabu to shwom-töle chang.

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

EZEKEL 23:8

Ijip nok to ngopongma naocha chang zakle oja tsangtsa hangkya mwot mokle hüipuix ija tamchizak. She naochasa ang ngotan tokhange wüi, lükabu she füi jip-pomle she a tuita tsangtsa hangkya mixcha thama twonle hüi.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

LIWI 20:5

ku jaojao chix zan to kaüi ilaxle chix homkha tamchu opangsae chix füi tomle Molek baozang to shwomüi ma ku kaxtele changpuix, kue hwom a chemtuechu ku khünak ang münlax.

LAIPAO 32:8

Kue hwom ang tolax-ole koxkya lomtang hwome komkaile dantoxdaoa. Hwome hun achuklaxle maihupong mua zinglaxle ija to shwomlaxle ija ang tö koxle changdaoa. Hwome ija a, hwom Ijip nok tokya zunle alaikya hwom baozang changpule thüile.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

JUHAN 14:30

Hünzom füi ku aluile akax ngo ang müntho; chemthüikoxle chaxwannu wanghom hüile ngole.

JUHAN 12:31

Ija chaxwannu kaxfün angkya athax changle; athax ija chaxwannu wanghom chilaxle awütüi.

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

LIWI 3:17

Israel khünak owaechu ozao hia aji chisaxüi; Israel khünakbue hwom angongo khato ija wanlom a tsün tok to tsün le tole ngo angkya oli.

LIWI 17:8

Israel khünak wüi changlax mixnok wüi changlax, onok khato ngole hüikya khünak owae, zokle ashunkya tö wüi changlax chichangba mama tö wüi changlax,

MÜNCHUAK-TSAI 106:39

Hwom mwotbu makhange alüile hwom a chitsaokya ang achang ilaxle hwom ma Zang to ongkya mongong ojao chitüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

LAIPAO 22:19

“Khünak owawae müi füi nganguile jangchang, ija khünak a langdao.

LAIPAO 27:21

Zangshwom ang asoxkya Nyihom ma Tsaotsüt Suak tunthoma tüikya tuknyi zongma homtho ma, hansong makhange anopning kople Jowanpa pomtho ma Arun hia chix sasün hwome wün atsople shwom angkya changpu. Ija kaxtom a Israel nok füichi-naoli pangnue jento thom angkya changpu.