Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LIWI 17:15 - OTSAO BAIBEL (BSI)

15 Khünak tuita, Israel nok wüi changlax chichangba mixnok wüi changlax, owawae ngat-to zikya chichangba ochax-ozan to maxkya müimang saxle jangchang, chixe ma nyi-za solaxle ti-ajoüi üntoxle hansong alople chitsaokya ang ngoüi.

အခန်းကိုကြည့်ပါ။ ကော်ပီ




LIWI 17:15
22 ပူးပေါင်းရင်းမြစ်များ  

“Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.


Chixe müimang, owüi zikya wüi changlax, fao zan-e langkya wüi changlax, chisax angkya oli; ijae chix chitsaokya ang achangüi. Ku a Jowanpa changle.


“Hünzom a ku khünaknu, idaile faomüie langkya müimang chemchu hünzome chisaxüi; itülüi ija hibu ang laxkox.


“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.


Nguapabue o-jux hia faomüibu hwom zikzik to zikya hia mama hozui müie langkya chemchu chisaxüi.”


Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”


Hünzome ija wanlom a othuithuima twonle ngo angkya changle. Khünak owae atsao angkya tie lile koxpuix, chixe chuwüi ma nyi-za so angkya changle; owae ti to twonlaxpuix, chix a hansong kople chitsaokya ang ngoüi.


Nyix azom lükya to tamchu nyix anüt lükya to zanglom ma tsaothale tüikya khünake chitsaokya mix to ti füi saküi. Nyix anüt lükya to chixe ija khünak atsaoüi, ilaxle ma nyi-za so ilaxle tie ma to alüile lile chang füima chix a zanghan dütkya füi tomle otsao ang changüi.


Owae maihu zoklaxpuix, chixe chuwüi ma nyi-za so ilaxle ma to alüile ti füi li angkya changle, ikoxle chix chuwüi hansong kople chitsaokya ang ngoüi.


Owawae she jipkya lya chichangba she ngokya ngwotnui tüntong to twonle jangchang thüiningle, ija khünake manyi-maza soüi ilaxle hansong kople chitsaokya ang ngoüi.


Ija mixsün ngwotnui tüntong to owawae twonle jangchang thüiningle, chix a hansong kople chitsaokya ang ngoüi. Owawae, ija mixsün ngodaokya tütali nwonle jangchangdao thüiningle, chixe ma nyi-za soüi ilaxle ti-lak ajole changüi, ifüima chix hansong kople chitsaokya ang ngohomüi.


Tamchu malualua to zile paokya müi oza, müie tsütle langkya müi oza mama mwot to lax ang tsuak; tüta lüwüi chang koxlechu ija sax angkya oli münchangle apua.


Ilaxle hünzom owawae ija müi tüta-jongkha saxle jangchang, nange nang nyi-za sole changüi ikoxlechu nang a hanhomma thule chitsaokya ang ngoüi. Ija müimang azyale changdaokyabue ma nyizabu so angkya changle, ikoxlechu nang a hanhomma thule chitsaokya ang ngoüi.


“Hünzome maihu hia chun khama owangma puxkyabu ku ang koxhüi. Owang ma puxkya tüichongsa honu füi nyix anüt ngo ang tomkox, ilaxle nyix achyet lükya to ija ku ang tö koxhüi.


Hünzome müimang ibu to twonle jangchang thüiningle, hanhomma thule nang chitsaokya ang ngoüi: osok füikya müi pangwüi, ibu ochisok afile chitüi tamchu ibue osüt shaole chisax, üntoxle ocha ali zaikya müi pangwüi. Nange iningkyabu müimang nwonle jangchangdao, nange nang nyi-za so angkya changle, ikoxlechu hanhomma thule nang chitsaokya ang ngoüi.


Owapange ijabu to chichangba ibu omangbu to twonle changüihex, ija khünak a hanhomma thule chitsaokya ang ngoüi.


Ilaxle ibu omang tütali ding to dütle jangchang, ija chitsaokya ang changüi. Ija a tütaningkya mwot to laxle ngokya changkoxchu, pün, nyi-za, müikhwon, chichangba nyikhwon, ibu pangwüi chitsaokya ang laxüi. Ija a ti to somle changüi ikoxlechu hanhomma thule chitsaokya ang ngoüi.


Saxtsuak angkya müi tütapu zingle jangchang, ija müimang ma twonkya mix hanhomma thule chitsaokya ang ngoüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ