LIWI 17:10 - OTSAO BAIBEL (BSI)

¹⁰ Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

LIWI 17:10 ပူးပေါင်းရင်းမြစ်များ

LIWI 17:11

Zünmok pangnu ang wüi khüzün a aji ma tüipu; idaile aji pangwüi khünaknu ochax pao angkya kuxma tö-tsap chitong ma thokkoxle thüipu.

TSAITONG-KAXTONG 12:23

Ikoxle ija müi ma aji tüingale wüi taxsax, chemthüikoxle khüzün a aji ma tüile ngole, idaile hünzome khüzün a omüi füi tomle chisaxüi.

TSAITONG-KAXTONG 12:16

Ikoxlechu ibu aji hünzome süt ang chilaxüi; hünzome ija ti thokle awütkya ningle haxkha to thokle awüt angkya changle.

LIWI 3:17

Israel khünak owaechu ozao hia aji chisaxüi; Israel khünakbue hwom angongo khato ija wanlom a tsün tok to tsün le tole ngo angkya oli.

JEREMIA 44:11

“Jangchangba, ku, Jowanpa, Israel nok Khüthak Zang hünzom zongto zanpa ang changüi ilaxle Judah pangwüi amütüi.

1 SAMUEL 14:33

Khünaknue omüi angkya aji chiawüt homtoxle afomle müi saxle ochax lyenkya Sol hama wünle kox. Sol akhong: “Hünzom a khohang mixbu! Ikhama ku khang ma longnu atüihüi.”

LIWI 26:17

Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

PONGWANG LAIPEX 9:4

Ikoxle oli tuita hünzome chisax angkya a: ija angkya aji mapao tanto müi chisaxüi; aji ma khüzün tüikya khoma kue ija taxsaxle abaxpu.

EZEKEL 44:7

Müiza hia ajibu ku ang tö koxle changpongma, hwome Khwonzüt-Zom chizingkya hia ku kax ma chilaxle tüikya khünakbu Zangshwom-hom homkha to adünkya makhange hwome ku Zangshwom-Hom chitsaokya ang achangdaoa.

EZEKEL 15:7

Kue hwom to sikangünüi. Hwom wün tuita chak tokya azangle tsuakdaoa, ikoxle athax wüne hwom zokle ashun angkya changle. Chemtue kue hwom to sikangünüihex, ku a Jowanpa changpule hünzome awan ang kopüi.

EZEKEL 14:8

Kue hünzom zongto anongle changüi. Kue hünzom makhange apyen angkya tuita zingüi. Kue hünzom a ku khünaknu tu angkya atsai ang tomüi, ikoxle tix hünzom pangwüie ku a Jowanpa changle le awanle lax ang kopüi.

MÜNCHUAK-TSAI 34:16

Ikoxlechu ochax mwot mokkyabu chixe abaxle, ikhoma chemtue hwom zipuix, hwom a lebama wüi alakle asamle.

TSAITONG-KAXTONG 15:23

Ikoxle ibu aji a süt ang taxlax, itülüi hünzome ti thokpupule haxkha to thokle ajenle awütdao.

LIWI 19:26

“Aji tüingale müi taxsax. Hing füi khun-khekya mwot otuechu taxmok.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?

JEREMIA 21:10

Kue ija tingnu danle müntox ikoxle amüt angkya ku mongzangwünle tsuakdaoa. Ija a Babilon nok wanghompa chak to koxdaoüi, ilaxle chixe haxbu ang achangle zokle ashun toxüi. Ija kax Jowanpa, kue akaxdaoa.”

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

IBRI 10:29

Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

1 SAMUEL 14:32

ilaxle hwome zan chak tokya tuina chemtukux kople tüipuix, ibu hato zikle ngui. Hwome chun, maihu, ibu apüi üntoxle onui ma lang, ilaxle omüi angkya aji bakle chiawüt homtoxle müibu sax.

2 SAMUEL 23:17

ilaxle thüi: “Jowanpa, kue ija otuechu ling ang müntho! Ija jangling thüiningle ku zongto ija a, ija ti apüi ang tsünkoxle paokyabu aji lingkya thatha ang changüi!” Ikhoma chixe ija münlingle chiling. Ibu a zangle wünkya hwom naomüi sün azome mokkya mwotbu changpu.

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”

LAIPAO 30:33

Owawae ijaningle zingle jangchang tamchu nguapa chichangkya khünak owawa hanpakma ile jangtwon thüiningle ija a ku khünak le chieüi.’”