LIWI 16:2 - OTSAO BAIBEL (BSI)

² Chixe thüi: “Hüntüi Arun ang, chix a Ataxkya Otsao Nui to otutu matix dong angkya changle, le thüilax; büthüikoxle Tsaotsüt Suak tüikya kha a, ija ding ma tüikya Chingcha Ngwotnui ma, zangfwom khato ku ngaile ahokya kha changle. Ija kax ma chilax jangthüiba chixe ma mik-max angkya ataküi.

LIWI 16:2 ပူးပေါင်းရင်းမြစ်များ

LAIPAO 30:10

Ochax hanpakma tö koxkya müi aji füi ozong ali onui alaile zingle thomkya to pale tö-tsap atsao angkya hanpakma zangpua to Arun-e tö koxle changüi.”

IBRI 9:25

Jehudi nok Nguakho, zanglao to Ataxkya Otsao Nui to müi aji füi dongkya lailaile Khrista chix tomtata tö kox ang chidong,

MATHI 27:51

Ipongkhae Zangshwom-Hom atsyen le thomkya nyikhik okho tokhange chitong kople tanti makhange anyi ang achangle kyetle pao. Chaxwannu tüle sile alox ilaxle longbu file pao.

1 WANGHOMBU 8:6

Ifüima zompu-zangpabue Tsaotsüt Suak Zangshwom-Hom to nwonle dün ilaxle Ataxkya Otsao Nui ma cherubim fang ma dan.

IBRI 9:3

Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.

HUAKE LAIPEX 17:10

Jowanpae Mosa ang thüi: “Arun kiathox a Tsaotsüt Suak tunthoma chatle dankox. Ija a, Israel khünaknu alünle ajongkya bama, hwome kaxthup-ngaotünle ngokya zakle chichang thüiningle, hwome ma mik max angkya ataküi lükya kaxkhün tuita ang thom angkya changpu.”

HUAKE LAIPEX 4:19

Kohath homjen zi ang taxtom. Ile hwom kho awa angkya hanpakma Arun hia chix sasün hwom hommong to donglaxle owae chemningkya azya angkya hex apuale laxkox.

LIWI 16:13

Ikhama, Jowanpa ngwotnui ma chixe ija ongan müikya jing wün to shoüi, ilaxle ija jing wünkhut füi Tsaotsüt Suak angkya Chingcha Ngwotnui to alumle changüi. Ija a, ija ngünlaxle chix chizi angkya hanpakma.

LIWI 8:35

Ilaxle anyixning hia awünningle hünzom a nyihom mongto ngo angkya changle Hünzom zikmüt mangkho chitüi angkya hanpakmale Jowanpae kaxtom fakya ningle moklax; chemthüikoxle ku ang ile chang ang tomkya changle.”

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.

IBRI 9:5

Zang womle tüikya aho ang ija suak okho ma ozang füikya müi tüikya. Ochax thailak kox nui to ibue hwom ozangbu füi o-le thom. Ikoxchu athax a ibu komkaile akhix akhanle wün angkya hanpak münchang.

MIKNGÜN-OHÜN 15:8

Ilaxle kaxtaimix anüte laxlaxle apüikya thama anüt ashukle mahüi tanto zangshwom-hom to Zang fuazang hia tsakzong wünkhute joxle thomüi.

HUAKE LAIPEX 4:5

Jowanpae Mosa ang ibibi mwot adangle fa. Chemtue pom pünle changtu nguile hüipuix, Arun hia chix sasün hwom Nyihom to nopüi. Tsaotsüt Suak ha angkya tuknyi ajoüi ilaxle ija füi Suak to chwopüi.

1 WANGHOMBU 6:16

Omong tokya nui, oja ang Ataxkya Otsao Nui le nyakpuix, ija a Zangshwom-Hom ma onui swonle alaile zai. Ija a olwot ma fit 30 ilaxle hax makhange sa alople sedar pün füi atsyenle tüikya.

LIWI 16:34

Ibu wanlom a athax füichima jento twon-ngo angkya changle. Israel khünaknue hwom ochax tokya atsao ang ija zom a zanglao to tampong zingüi. Idaile Jowanpa kaxtom ningle Mosa-e mokle tsuak.

HUAKE LAIPEX 18:7

Ikoxlechu tö-tsap ma mok angkya zom-zang hia Ataxkya Otsao Nui füikya zom-zang mwot ba hünlit a, nang üntoxle hünsu-hünsa hwom, hünzome tix lax angkya changpu. Ibu bama nang hünlit, chemthüikoxle kue nang ang zompu-zangpa hingho koxdaokoxle. Okho chinguikya khünak owawa otsao tuina hato hüile jangchang thüiningle chix a zi ang tomüi.”