LIWI 16:18 - OTSAO BAIBEL (BSI)

¹⁸ chix a tö-tsap hato nguilaxle zokle ashunkya tö koxle ija atsaoüi. Chixe maihu ji hidaole, zwonji hidaole le laxüi ilaxle tö-tsap ma tüikya ozong ali pangwüi to ibu füi paüi.

LIWI 16:18 ပူးပေါင်းရင်းမြစ်များ

LIWI 4:7

Ilaxle Nyihom ma tüikya, ongan müikya so zokkya tö-tsapbu oja Jowanpa pomtho ma tüipuix, nguapae ibu to aji füi lyetüi; ifüima aji pangwüi, Nyihom fülom ma tüikya, zokle ashunle tö koxkya tö-tsap chitong ma ija thoküi.

LIWI 16:16

Ile, Israel khünaknu chitsaole tüikya hwom ochaxbu khoma Ataxkya Otsao Nui chitsaole tüikya atsao angkya hanpakma chixe zomzingle changüi. Chixe ija Nyihom hanpakma chuwüi mok angkya changle, chemthüikoxle ija a wanlom ma otsao chichangkya, hwom thongnui osungwa ma tüikya changle.

LIWI 4:18

Nyihom mongkha ma tüikya ongan müikya tö zokle kox angkya tö-tsap ma tüikya müizongbu to chixe aji füi hidaopong lyetüi ilaxle ota tüikyabu a fülom angkya zokle ashunle tö kox angkya tö-tsap chitong ma thoküi.

LAIPAO 30:10

Ochax hanpakma tö koxkya müi aji füi ozong ali onui alaile zingle thomkya to pale tö-tsap atsao angkya hanpakma zangpua to Arun-e tö koxle changüi.”

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

JUHAN 17:19

Üntoxle hwom hanpakmale ku kulualua to atsaole nang chak to danpu; ija ningle hwomchu wüi nang hato otsao ma naxngui.

LIWI 4:25

Nguapae ija müiji khato chix chakkhi somüi, ija füi tö-tsap angkya müizongbu to hidaopong lyetüi, ilaxle mama ajibu a tö-tsap chitong ma thokle liüi.

LIWI 16:17

Wanlom ma atsaole zomzing ang Ataxkya Otsao Nui to Arun nopkya malai tanto, Nyihom khama owachu chingoüi. Chemtue chixe ma hanpak ang, kako hanpak ang tamchu Israel khünak noknu hanpak ang ija zomzingle changkya zuma,

HUAKE LAIPEX 28:22

Ilaxle zwonpong tuita chuwüi ochax tö hanpak ang laxkox. Ile khünaknu hanpakma hwom khongai angkya zom zingle laxkox.

EZEKEL 43:20

Ija müi aji hidaole koplaxle nange ija füi ozongchi ma tüikya müizongbu to, tö-tsap osung angkya müizongbu to, ija kaxkombu akhople lyet angkya changpu. Nange ile mokkya füi ija tö-tsap otsao ang achangle dan angkya changpu.

EZEKEL 43:22

Ofüinyix nange ojao ofwot chitüikya zwonpong tuita kopüi ilaxle ija ochax tö ang kox angkya changpu. Maihupong aji füi chemle hwonpuix ija ningle ija zwonpong aji füi chuwüi tö-tsap atsao ang hwon kox.

EZEKEL 45:19

Nguapae ija ochax tö müi aji hidaole laxüi ilaxle ija füi Zangshwom-Hom fülom kapoxbu to, tö-tsap ozong ali pangnu to, ilaxle nuithong to dongüi fülom kapoxbu ma lyetüi.