LIWI 16:16 - OTSAO BAIBEL (BSI)

¹⁶ Ile, Israel khünaknu chitsaole tüikya hwom ochaxbu khoma Ataxkya Otsao Nui chitsaole tüikya atsao angkya hanpakma chixe zomzingle changüi. Chixe ija Nyihom hanpakma chuwüi mok angkya changle, chemthüikoxle ija a wanlom ma otsao chichangkya, hwom thongnui osungwa ma tüikya changle.

LIWI 16:16 ပူးပေါင်းရင်းမြစ်များ

LIWI 16:18

chix a tö-tsap hato nguilaxle zokle ashunkya tö koxle ija atsaoüi. Chixe maihu ji hidaole, zwonji hidaole le laxüi ilaxle tö-tsap ma tüikya ozong ali pangwüi to ibu füi paüi.

LIWI 8:15

Mosa-e ija lang, ilaxle chixe ija aji apüilaxle tö-tsap akhople tüikya müizongbu to chix chak makhange pale tö-tsap atsao, ilaxle tö-tsap chitong ma aji thok ilaxle ochax pao angkya hanpakma ija atsaole chixe zomzing.

JUHAN 14:3

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

LAIPAO 30:10

Ochax hanpakma tö koxkya müi aji füi ozong ali onui alaile zingle thomkya to pale tö-tsap atsao angkya hanpakma zangpua to Arun-e tö koxle changüi.”

LIWI 16:17

Wanlom ma atsaole zomzing ang Ataxkya Otsao Nui to Arun nopkya malai tanto, Nyihom khama owachu chingoüi. Chemtue chixe ma hanpak ang, kako hanpak ang tamchu Israel khünak noknu hanpak ang ija zomzingle changkya zuma,

HUAKE LAIPEX 17:11

Jowanpa kaxtom lailaile Mosa-e mok.

HUAKE LAIPEX 28:15

Nyixfokya to koxkya zokle ashunkya tö hia grepti-ju tö, ija nyito bole, zwonpong tuita chuwüi ochax tö hanpak ang kox angkya changle.