LIWI 16:15 - OTSAO BAIBEL (BSI)

¹⁵ Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

LIWI 16:15 ပူးပေါင်းရင်းမြစ်များ

IBRI 9:7

ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

IBRI 9:3

Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.

IBRI 5:3

Üntoxle chixchu wüi shonai le tüikya daile ochax khünakbu hanpakma tata le chichangle chix bamachu wüi tö kox angkya changle.

LIWI 16:2

Chixe thüi: “Hüntüi Arun ang, chix a Ataxkya Otsao Nui to otutu matix dong angkya changle, le thüilax; büthüikoxle Tsaotsüt Suak tüikya kha a, ija ding ma tüikya Chingcha Ngwotnui ma, zangfwom khato ku ngaile ahokya kha changle. Ija kax ma chilax jangthüiba chixe ma mik-max angkya ataküi.

IBRI 7:27

Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

IBRI 9:13

Zwon hia maihubu aji üntoxle maihu zokle ashunkya wünjuak a müi-hi-aji ma chitsaokyabu to fule, üntoxle ijae hwom müi-hi-aji ma chitsaokya atsaole.

LIWI 4:21

Ifüima chixe maihupong pom kotho to alaiüi ilaxle ija zokle ashunüi. Ija a chixe chix ochax hanpak ang koxkya maihupong zokle ashunkya lailaile changüi. Khünaknu ochax hünle pao angkya ochax tö koxkya a ija changle.

LIWI 4:5

Ilaxle münga füi lilaxle zünle kopkya Nguakhoe ija maihupongsa aji a Nyihom to anopüi.

HUAKE LAIPEX 17:11

Jowanpa kaxtom lailaile Mosa-e mok.

HUAKE LAIPEX 28:15

Nyixfokya to koxkya zokle ashunkya tö hia grepti-ju tö, ija nyito bole, zwonpong tuita chuwüi ochax tö hanpak ang kox angkya changle.