LIWI 16:13 - OTSAO BAIBEL (BSI)

¹³ Ikhama, Jowanpa ngwotnui ma chixe ija ongan müikya jing wün to shoüi, ilaxle ija jing wünkhut füi Tsaotsüt Suak angkya Chingcha Ngwotnui to alumle changüi. Ija a, ija ngünlaxle chix chizi angkya hanpakma.

LIWI 16:13 ပူးပေါင်းရင်းမြစ်များ

LAIPAO 25:21

Nange ija chingcha ngwotnui a Tsaotsüt Suak dingma danüi; ilaxle ija suak mong ma kue koxkya Tsaotsüt longkhao shole thomüi.

LAIPAO 30:1

“Akasia pün makhange, so zok angkya hanpakma tö-tsap tuita zinglax.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

HUAKE LAIPEX 16:46

ilaxle Mosa-e Arun ang thüi: “Nang wündix hok-khua koplax, ikhama tö-tsap angkya wün füikya wünhandix danlax, ilaxle ija wünhan dingma ongan müikya so hidaole danlax. Ija koplaxle khünaknu hato nonokhaile hüikox ilaxle hwom otsao ang achangle zomzingkox, momlax! Jowanpa ang athukle mongtsiküna ilaxle okak-olak pwonle le chang angkya owang wangüna.”

HUAKE LAIPEX 16:18

Idaile pangnusae wüi ma kuxkux wündix hok-khua laxlaxle, ima wün füikya wündix dan ilaxle ija ma ongan müikya so dan ilaxle Mosa hia Arun nyi füi Nyihom tunthoma ajong.

LIWI 22:9

“Kue koxkya wanlombu nguapabu noke wüi thom angkya oli changpu. Ile chichang thüiningle, hwom thaiüi ilaxle ziüi, chemthüikoxle ija ahwom otsao wanlombu chitwonkya changle. Ku a Jowanpa ilaxle kue hwom otsao ang zingpu.

LAIPAO 28:43

Arun hia chix sasün hwome ibu nyihom ma zangshwom ang asox pongma chichangba Otsao Nui to tö kox ang nguipongma awunlaxle ngui angkya changle; ile chichang thüiningle hwome hwom thaikya hünlix alüile ma hato apüiüi ilaxle zile paoüi. Ija a chix tamchu chix sixli hwom hanpak ang jento ngo angkya wanlom ang achangüi.

HUAKE LAIPEX 4:15

Chemtue thongnui püntu nguipuix, Arun hia chix sasün hwome ibu otsao mwot-kat to chwop-zingle tsuak füimatix Kohath saxthom ibu pao ang nguiüi, ikoxle hwome wüi ija otsao tuina to münlyetüi, janglyet thüiningle hwom a ziüi. Nyihom achexle changfofo Kohath saxthome mok angkya mwot a ibibile changle.

HUAKE LAIPEX 4:20

Ikoxle Kohath homkha angkya owawa Nyihom to noplaxle nguapabu paoüima otsao tuinabu hünzingle ngokya ngünle jangchang, hwom a ziüi.”

TSAITONG-KAXTONG 33:10

Hwome nang Wanlom kax ma laxle tüi angkya anole koxüi; Hwome nang tö-tsap ding ma töbu koxüi.