LIWI 15:5 - OTSAO BAIBEL (BSI)

⁵ Owawae ija chix lya to lyetle jangchang

LIWI 15:5 ပူးပေါင်းရင်းမြစ်များ

LIWI 17:15

Khünak tuita, Israel nok wüi changlax chichangba mixnok wüi changlax, owawae ngat-to zikya chichangba ochax-ozan to maxkya müimang saxle jangchang, chixe ma nyi-za solaxle ti-ajoüi üntoxle hansong alople chitsaokya ang ngoüi.

LIWI 16:26

Faokha to Azazel hato zwon jwonle apaokya mixsüne thongnui to chatüi thoma ti-ajole nyi-za shong-lüi angkya changle.

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

EZEKEL 36:29

Hünzom chitsaokya ang achang angkya oli pangwüi chak tokya kue hünzom sünle thomüi. Hünzom hato tuinu nuaknu tamchihüi angkya hanpakma kue saxziakbu ang sütle saxtobu dün angkya kaxtom koxüi.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 22:14

Jowanpa Khüthak Zang, chix jaoe ku füi akaxle thüi: “Hwom ozün ma ngokya kopkya ija ochax hwom ang thailak tüiüile münchang. Ku, Jowanpa Khüthak Zang-e ija akaxdaoa.”

ISAIA 1:16

Hünzom sole atsaolax. Hünzome kue ngünle mokngokya ochax mwot mokkyabu zakün. Changle, ochax mokkya zakün,

MÜNCHUAK-TSAI 51:7

Ku ochax awüt hüi, ikoxtix ku tsaothale changüi; ku sole fahüi, ikoxle tix ku jun füi sütsele changüi.

MÜNCHUAK-TSAI 51:2

Ku onu-oma pangnu sole fahüi üntoxle ochax tokya ku atsaohüi!

MÜNCHUAK-TSAI 26:6

Jowanpa, ku a chem chitikkya mix le aho ang kue chak sopu, nang tö-tsap akhople zangshwom ang angüipu.

HUAKE LAIPEX 19:22

Chitsaokya khünake atwontwon pangwüi chitsaokya ang achangpu.

HUAKE LAIPEX 19:10

Ija lajuak athünkya mixsüne chuwüi chix nyi-za sole changüi, ikoxlechu chix a hansong kople chitsaokya ang nuiüi. Ija wanlom a Israel nok tamchu hwom khato ngole hüikya mixnokbu pangwüi hanpak ang ngoüi.

LIWI 16:28

Ija zokle ashunkya mixe thongnui to nguiüi thoma manyi-maza sole tijo-chaktsux kop angkya changle.

LIWI 14:27

ilaxle chix tsaxchi chak-khi makhange ija aji füi Jowanpa ngwotnui to othom anüt ma saküi.

LIWI 13:34

Nyix anüt lükya to nguapae ija buk to tamchatle hule wanüi; ilaxle ija buk mamakha to tsale chipao tamchu mama tsangtsa khwon füi onüi akhünle chichang thüiningle nguapae ija a tsaothale tüile le ngaiüi. Chixe ma nyi-za soüi ilaxle tsaothale ngoüi.

LIWI 13:6

Anaole chu nyix-anüt lükya to nguapae tamchatle huüi, ithoma mak sühuile tamchu mama khato tsale chipaole, ijama wüi nguapae chix a otsao changle le ngaiüi; ija a tuita zangjang mak laikya changpu; idaile chix a ma nyi-za sole atsao koxle tsaothale ngoüi.

LIWI 11:32

Ilaxle ibu omang tütali ding to dütle jangchang, ija chitsaokya ang changüi. Ija a tütaningkya mwot to laxle ngokya changkoxchu, pün, nyi-za, müikhwon, chichangba nyikhwon, ibu pangwüi chitsaokya ang laxüi. Ija a ti to somle changüi ikoxlechu hanhomma thule chitsaokya ang ngoüi.

LAIPAO 19:10

Ilaxle Jowanpae chix ang thüi: “Khünaknu hato paolaxle, anyix hia ngainyix a zangshwom angkya hanpakma malualua to atsaole ngobaklax thüikox. Hwome hwom nyizabu so angkya changle

LIWI 15:4

Lya oja ma chix thungpuix chichangba ngo-tongle changpuix, ija a müntsao.

LIWI 15:6

chichangba chix thungkya jali to lyetle jangchang, ija khünake manyi-maza so angkya changpu ilaxle tichu ajo angkya changpu. Chix a hansong kople chitsaokya ang ngoüi.

1 SAMUEL 20:26

Ikoxlechu ija nyix a Sol-e chemle chu chithüi: chemthüikoxle chixe ajang: “Chix to tütalile changdaotong, ikhoma chix a zanglom ma chitsaokya ang ngotüitong.”

LIWI 11:24

Hünzome müimang ibu to twonle jangchang thüiningle, hanhomma thule nang chitsaokya ang ngoüi: osok füikya müi pangwüi, ibu ochisok afile chitüi tamchu ibue osüt shaole chisax, üntoxle ocha ali zaikya müi pangwüi. Nange iningkyabu müimang nwonle jangchangdao, nange nang nyi-za so angkya changle, ikoxlechu hanhomma thule nang chitsaokya ang ngoüi.

LIWI 15:18

Sheko hia lüka nyi apongle mwot tsuakkya füima, hokhi pangnyie wüi ti-ajoüi ilaxle hansong kople chitsaokya ang ngoüi.