LIWI 14:7 - OTSAO BAIBEL (BSI)

⁷ Ngwon atsao angkya khünak to chixe ija ajie othom anüt ma saküi, ifüi chixe ija mixsün a tsaokya ang achangünale ngaiüi. Ifüima chixe ozün ma tüikya osa a homtho to danle apaoüi.

LIWI 14:7 ပူးပေါင်းရင်းမြစ်များ

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 52:15

Ikoxlechu athax a chaxwannu nokbu chix ma abütüi, ilaxle wanghombu a khosamkyae zangwün chitüile changüi. Hwome ngünüi ilaxle tsingle laxüi amiba hwome matsingkya oli a.”

2 WANGHOMBU 5:14

Ikhoma Naman Jordan to ju, chix lailai to ti to othom anüt ma sing ilaxle Elisha kax jaojaole chix kak tsaothale müi. Chix tsangtsa khwon a naosa tsangtsa khwon lailaile adom wüi adomle müile hüi.

2 WANGHOMBU 5:10

Jordan shua ma othom anüt ma chix tsangtsa sole ti ajo angkya kaxho füi Elisha-e chix dapa ija mixsün hato apaole, ile jangmok thüiningle chix kak müi angkya kax kox ang tom.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

IBRI 9:19

Pongwang ma, Wanlom ma tüikya ningle Mosa-e noknusa hato kaxtombu pangnu apuk. Ifüima chixe maihupongbu hia zwonbu aji lax, ija ti füi awon, üntoxle akhix daokya chun mun hia haisop okangsabu füi Wanlom Laipex to tamchu khünaknu to sak.

IBRI 9:13

Zwon hia maihubu aji üntoxle maihu zokle ashunkya wünjuak a müi-hi-aji ma chitsaokyabu to fule, üntoxle ijae hwom müi-hi-aji ma chitsaokya atsaole.

1 JUHAN 5:6

Jisu Khrista a, chix baptikya ti üntoxle chix zikya aji füi hüikya mix tuita changpu. Chix ti tata füi nguikya chichang ikoxle ti hia aji monyi füi nguipu. Üntoxle Chasa chixe ija otsingtsing changpu le wünle, chemthüikoxle Chasa a otsingtsing.

IBRI 12:24

Tsaotsüt achongkya Jisu, tamchu Abel aji füi ngaxchu sümüikya tsaosüt aji sakkya hato hünzom ngui.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

IBRI 9:21

Ija lailaile wüi Mosa-e Otsao Nyihom tamchu zangshwom pongma lax-twonkya mwot-kat pangnu to aji füi sak.

JUHAN 19:34

Ikoxlechu süpahibu kha angkya mixsün tuitae chix chak angkya pax Jisu samba ma tsunle anop; ija füi tomle aji hia ti jenle lai.

MIKA 7:19

Nange tamchatle kwom to chingcha-jajaüi. Nange kwom ochaxbu to hax ma cha füi naküi ilaxle ibu tinu jithong to apaoüi!

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

MÜNCHUAK-TSAI 51:7

Ku ochax awüt hüi, ikoxtix ku tsaothale changüi; ku sole fahüi, ikoxle tix ku jun füi sütsele changüi.

MÜNCHUAK-TSAI 51:2

Ku onu-oma pangnu sole fahüi üntoxle ochax tokya ku atsaohüi!

LIWI 16:22

Ile ija zwone hwom ochax pangwüi khünak chingokya faokha to laxlaxle paoüi.

LIWI 16:19

Tötsap to othom anüt ma chix chak-khi makhange ija ajie saküi. Ile chixe ija, Israel khünaknu ochax tokya atsao koxle otsao ang achangüi.

LIWI 16:14

Chixe maihupong aji hidaole laxüi ilaxle chix chak-khi makhange ija Chingcha Ngwotnui thüntho chito saküi tamchu ikha angkya wüi Tsaotsüt tunthochi ma othom anüt ma saküi.

LIWI 14:51

Ifüima chixe tsaokya ti tok ma langkya ija osa aji ma sedar ha, haisop zu, zukhik tamchu ozün ma tüikya osa tuita somüi, ilaxle chixe ija füi hom to othom anüt ma saküi.

LIWI 13:17

Ikoxle mak a thole jangtüiba, ijama wüi mak füikya mixsün a otsao changle le nguapae ngaile kox angkya changpu; chix a tsaole wüi tüile.

LIWI 13:13

nguapae hule wanüi ilaxle ija okake tsangtsa to ule jangchangün tamchu ija makman thothole jangchangün, ija kakmix a zanglom ma otsao changpule chixe ngai angkya changpu.

LIWI 8:11

Ilaxle ibu Jowanpa kux ang atsaole dan angkya hanpakma ija münga füi tö-tsap to othom anüt ma sak ilaxle tö-tsap hia ija ma tüikya khopkhua wansabu pangwüi tamchu tilax khuanu hia ima atüitüi pangnu to pa.

LIWI 4:17

Chixe ija aji to chix chakkhi füi thulaxle atsyenkya nyinu tunthoma, Jowanpa pomtho ma othom anüt ma saküi.

LIWI 4:6

Chixe ija to chix chakkhi füi thulaxle otsao tuknyi thünthochi ma anüt ma saküi.

HUAKE LAIPEX 19:12

Hwome ma alüile atsao angkya ti füi nyix azom lükya to hia nyix anüt lükya to atsaoüi, ifüima chix tsaokya ang achangüi. Ikoxle chixe nyix azom lükya to chix atsaole chichang thüiningle chix a tsaokya ang chichangüi.