LIWI 14:10 - OTSAO BAIBEL (BSI)

¹⁰ Nyix achyet lükya to chixe zanglao nguidaokya ofwot chizaikya chunla anyi, chuncha tuita, olip münga füi awon an tuak azom ilaxle olip münga pe tuita le apüiüi.

LIWI 14:10 ပူးပေါင်းရင်းမြစ်များ

LIWI 2:1

Owawae Jowanpa ang saxziak tö koxle changpongma, ija hünzome an ang achangle müile thule kopüi. Nguapabue ija to olip münga füi liüi ilaxle ongan amüi ang otex-tsyapi awutüi.

KAXHO MÜIKYA LUK 5:14

Ilaxle Jisu-e chix ang owa hamachu taxwün-ole thüi. Ilaxle chixe thüi: “Nang paolax, nang alüile nguapa hato aholax, üntoxle hwom hato nang kak müiüna le aho ang, nang atsaole fakya khoma, Mosa Wanlom ma tüikya ningle to koxle zomzinglax.”

MARK 1:44

“Hulax, nange mix hama chemlechu taxwün ikoxle tangthole nguapa hato paolax ilaxle chixe nang to thwonle naxano; ifüima nang owüiole müiüna le khünaknu hato aho angkya kuxma, Mosa wanlom ma tüikya ningle zomzingle tö laxkox.”

MATHI 8:4

Ifüima Jisu-e chix füi akax: “Apalax, owa hamachu taxwün, ikoxle tangthole nguapabu hato paolax ilaxle hwome nang chak to thwon ang laxkox. Ifüima pangnu hato nang kak müikya ahole, Mosa wanlom ma tüikya ningle tö laxkox.”

LIWI 14:21

Ikoxle khünak a ibu chemchu kox ang chithole tuimix-nuakmix tuita jangchang, chixe ma atsao angkya hanpakma ma ochax tö kox angkya hanpakma chun olasa tuita apüiüi; ija a Jowanpa ang koxkya kha angkya nguapa hato apüi angkya hingho amüikya tuita ang changpu. Chixe süt tö hanpak ang olip münga füi awon ankhix tuak tuita üntoxle olip münga wüi pe tuita othom azom ma ahanlaxle othom tuita apüiüi.

LIWI 14:15

Nguapae olip münga hidaole laxüi ilaxle ija chix nongchi chakwok ma thoküi,

LIWI 14:12

Ifüi nguapae chunla tuita laxüi tamchu münga othom azom ma ahankya othom tuita laxüi, ija füi awon üntoxle ija ochax tö ang koxüi. Chixe ibu nguapa hanpakma amüikya hingho tuita ningle Jowanpa ang koxüi.

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

JUHAN 6:51

Ku a zangkangting tokya jukya süt changpu; owae ija süt kha angkya saüihex, chix a oshuk chitüile ozün ma ngoüi; ilaxle süt oja kue chaxwan azün ang koxüihex, ija a ku müi changle.”

JUHAN 6:33

Chemthüikoxle Zange fakya süt a zangkangting tokhange hüi ilaxle chaxwannu ang tsün fakya mix a chix changpu.”

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!

HUAKE LAIPEX 28:20

Saxziak tö hanpak ang ankhix olip münga füi awon ibibile laxkox: maihupong tuipong füi tomle tuak azom pong, tuak anyi pong a chunla füi tomle,

HUAKE LAIPEX 6:14

Ojao ofwot chitüikya müi azom Jowanpa ang koxüi; zanglao nguidaokya chun hosa tuita zokle ashunkya tö ang koxüi, ilaxle chun ocha tuita a ochax tö hanpak ang koxüi. Chun ola chongkya tuita a notom-tusüi tö hanpak ang koxüi.

LIWI 23:13

Ija füi tomle süt tö hanpak ang hünzome akhix tuak anyi olip münga füi awon laxkox. Ija tö koxkya ongan a Jowanpa zongto tüle zingle müikya changle. Ifüi tomle hünzome grepti-ju tsoxta wüi tö ang laxkox.

LIWI 9:1

Ilaxle anyi lükya ma, Mosa-e Arun hia chix sasün hwom tamchu Israel nok tüichong mixmüibu se.

LIWI 4:32

Nange ochax tö hanpak ang chun tuita apüile jangchang thüiningle, ija a ofwot chitüikya honu tuita chang angkya oli.

LIWI 2:13

Saxziak tö pangnu ma hum awonkox, chemthüikoxle hum a Zang hünkhi bama kaxfün tuita münwan ang ngoüi. (Nange koxkya tö pangnu ma hum awon angkya changle.)

LIWI 2:11

Hünzome Jowanpa ang koxkya saxziak tö chemchu twonkhax füi chiawonüi; Jowanpa a hünzome saxziak to koxle changpongma twonkhax hia nax-ti chemtuechu chiawonüi.

LIWI 1:10

Hünzome chun chichangba zwon, ibu tö koxkya jangchang, müi a ofwot chizaikya ola chang angkya oli.

LAIPAO 29:40

Pongwang angkya chun hosa füi tuak tuita an müikya olip münga pe tuita füi awon laxkox. Grep ti pe tuita tö koxle thokle awütkox.

LIWI 14:11

Nguapae ija mixsün hia ibu tö Jowanpa ngwotnui Nyihom homtho to apüiüi.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.