LIWI 13:4 - OTSAO BAIBEL (BSI)

⁴ Ikoxlechu chix tsangtsa khwon ma laile tüikya mun thothole tüikoxchu, mama kha tsangtsa khwon füi akhünle zule chitüiba ilaxle ikhama tüikya munchu thole chichang thüiningle, ijama wüi nguapae, ija mak füikya mixsün nyix-anüt hakle thomüi.

LIWI 13:4 ပူးပေါင်းရင်းမြစ်များ

HUAKE LAIPEX 12:15

Miriam a nyix anüt hanpak ma pom tokna to hakle thom, ilaxle she tamchatle homkha to dong ang matsan tanto khünaknu owachu chiaham.

1 TIMOTHI 5:24

Züizüi ochaxbu a ngaitho le ngün ang kople, ilaxle hwom thoto achale kaxfün nui to hwom ochaxbu wüi shonghüi bangüi; ikoxle mamabu ochax a afüile ngui ang kople.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

EZEKEL 44:10

Jowanpae ku ang thüi: “Liwi khünakbu opange mama Israel khünakbu füi tomle ku hato tok aho laxle chapabu to shwomle changpuix, ibu to kue sikangünpu.

TSAITONG-KAXTONG 13:14

Iningkya khualop zangwün hünzome jangatat, ija otong tikle lomkox; ilaxle iningkya ochax mwot chimokkya khato khualople zangwün atsatkya changpule awan ang kopkya zuma,

LIWI 13:3

Nguapae chix tsangtsa to hule wanüi, ilaxle ija khama mun thole jangbang thüiba, ilaxle chix tsangtsa khwon mamakha füi akhünle zule jangchangba, ija a ngwon mak wüi changpu; ilaxle nguapae chix to hulaxle chix chitsaokya ngaile faüi.

LIWI 13:5

Nyix-anüt lükya to nguapae chix mak to tamchatle huüi; ilaxle ija chix mik-hu ma mak a tsale chipaole otyatya wüi jangchang thüiningle, imawüi nguapae ija mixsün a nyix-anüt hanpakma tamchatle hakle thomüi.

LIWI 13:11

ija a tsangtsa hak ma tüikya ngwon kak ozang changle, ilaxle nguapae ija khünak a müntsaole ngaiüi. Ija mixsün a nguapae tsyenle chithomüi chemthüikoxle chix a chitsaokya khünak tuita changle.

LIWI 13:31

Nguapae ija buk to hule jangwan thüiningle, ija buk füikya khünak nguapae nyix anüt hanpakma süile thomüi.

LIWI 13:25

nguapae ija to hule wanüi. Ija mak angkya mun thothole jangtüiün ilaxle tsangtsa mamakha füi onüi akhünle jangtüiün, ija a ngwonkak changle; ija a wünhuak mak ma laikya changle. Nguapae chix a tsaole müntüile ngaiüi, ija a ngwon kak wüi changle.

LIWI 13:26

Ikoxle nguapae ija to hule wankoxle ikha angkya mun thokya chitüi, ilaxle tsangtsa khwon mamakha füichu akhündukle chichang ikoxlechu fingle jangtüi thüiningle, nguapa chix a nyix-anüt süile thomüi.

LIWI 13:50

Nguapae kak to hule wanüi, ilaxle ija kak füikya jali nyix anüt hanpak ang süile danüi.

LIWI 14:38

chixe ija hom dantoxüi ilaxle nyix anüt hanpakma hom hakle dantoxüi.

HUAKE LAIPEX 12:14

Jowanpae lan: “Hopae she thün to thuake thuakle chang koxba, she-e ija zakkop thajao nyix anüt bama adule alyet-se, idaile she a nyix anüt hanpak ang pom tokna to kun ma naxngo, ifüimatix she pomkha to chatle dün ang thoüi.”