LIWI 11:8 - OTSAO BAIBEL (BSI)

⁸ Müi ibu omüi taxsax chichangba ibu müimang to lyetle taxchang; ibu a chitsaokya müibu changle.

LIWI 11:8 ပူးပေါင်းရင်းမြစ်များ

IBRI 9:10

chem ang hwome ibu sütling, üntoxle sole atsaokya malom-malom zom tokhange mok angkya changkoxle. Ibu a Zange lomzün tanle mahüi tanto saxmok angkya ko to ngünkya wanlombu lanlan.

KOLOSI 2:16

Idaile hünzome chem saxpuix chichangba chem lingpuix chichangba nazakle nuikya nyixchu chichangba lyet-zün puakya chichangba sabath nyix, ibu bama owaechu wanlom taxzing.

HOSIA 9:3

Israel khünaknu a Jowanpa haxtok ma münngoüi, ikoxle Ijip nok to chatle chat angkya hüiüi ilaxle taxsax lükya süt Asiria nok to sax angkya hüiüi.

ISAIA 52:11

Hünzome Babilon dantox angkya münthaile tsingkoplax, zangshwom-hom tuina kople tüikyabu hünzom pange wüi! Taxtwonle atsaokya oli to taxtwon; ibu füi hünzom atsailax ilaxle otsao ma ngolax.

LIWI 5:2

Nange chitex-chile le zanglom ma chitsaokya oli to twonle jangchang, thütba: Müimang ningkya to, nange chichang fang changle hüidaoa ma thaikya awanle hüikya füi tomle nang a chitsaokya ang changüna.

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

EFISIA 5:7

Idaile iningkya khünakbu füi ojao taxtom.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

1 KORIN 8:8

Süt makhange kem Zang füi wonkya ofün sümüiüi le münchang; chisaxba kem fün sümaüi, ilaxle saxkoxle kem fün sümüiüi le münchang.

ROM NOK HATO ZAKYA POL LAIZA 14:21

Ma füikya mongong üitho tuita ochax to adüt angkya oli mwot chimok, müi-nyax chisax, ju-khan chilingle ibu füi atsai ngokya wüi tuita sukya mwot changpu.

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

WANGSHEMBU MWOT 10:28

Chixe hwom ang thüi: “Jehudi khünak tuita a mixnok hom to nop-le angkya hia saxmok angkya wanlom ma müntüile hünzome mamüile tsingle ngopu. Ikoxlechu Zange ku hama khünak opupuchu chitsaokya chichangba oma ang taxlax le ahodaoa.

MARK 7:18

Chixe hwom ang thüi: “Hünzom chuwüi mix tukuxlehi? Kotok tokya khünak mongto dongkya tüta liechu chix chitsaokya ang münachang tsuak;

MARK 7:15

Kotok tokya noplaxle khünak tuita chitsaokya ang achang angkya olili müntüi; itülüi chix chitsaokya ang achang angkya a, chix mongkha tokya laikyae tix changpu.

MARK 7:2

Üntoxle hwome wangshembue chak chiatsao homle süt saxkya ngün, ija a farisibue khünaknu hama apuakya chaktsux olom ma chak chiatsux homle saxkya ang thüipu.

MATHI 15:20

Khünak tuita chitsaokya ang achangkya a ijabu changle, ikoxle chak chiatsux homle saxkya khoma hexle khünak chitsaokya ang münchang.”

MATHI 15:11

Wikha makhange dongkyae chichangle khünak tuita a ija makhange laikyae tix chitsaokya ang achangle.”

LIWI 11:7

Wak müibu taxsax. Ibu a chitsaokya ang laxüi; hwom ang sok afile zaile ikoxlechu fum shaole münsax.

LIWI 11:9

Okui-ozang füikya nyax hünzome pangwüi sax ang tsuak,