LIWI 11:45 - OTSAO BAIBEL (BSI)

⁴⁵ Ku hünzom Zang ang achang ang, Ijip haxtok tokya hünzom zunle apüikya Jowanpa a ku changpu. Ku a otsao idaile hünzom chuwüi otsao ma ngo angkya oli changpu.

LIWI 11:45 ပူးပေါင်းရင်းမြစ်များ

LIWI 11:44

chemthüikoxle, Jowanpa ku a hünzom Zang changle. Hünzome ma alüile atsaolax ilaxle otsao ma ngolax, chemthüikoxle ku a otsao changle. Chaxwantok ma ozyem ma ahamkya zünmok tüta makhangechu hünzom chitsaokya ang taxachang.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

1 PITAR 1:16

Otsao Lai-e thüile: “Nang otsao ma ngolax chemthüikoxle ku a otsao changle.”

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

1 THESALONIKA 4:7

Zange kem naklyen-khosyen le ngo ang nyakkya chichang ikoxle otsao ma ngo ang nyakwüi.

HOSIA 11:1

Jowanpae thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.

LIWI 25:38

Ija a, chix hünzom Zang ang achang ang tamchu hünzom ang Kanan haxtok kox angkya hanpakma, hünzom Ijip nok tokya alaile apüikya Jowanpa hünzom Zang-e fakya kaxtom changpu.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

LAIPAO 19:10

Ilaxle Jowanpae chix ang thüi: “Khünaknu hato paolaxle, anyix hia ngainyix a zangshwom angkya hanpakma malualua to atsaole ngobaklax thüikox. Hwome hwom nyizabu so angkya changle

LIWI 11:46

Müi nüjen ilaxle o nüjen ilaxle ti ma ahamkya zünmok nüjen tamchu chaxwantok ma ozyem ma ahamkya zünmok nüjen, ibu pangwüi hanpak ang ija a tuita wanlom longzi tankya ang changle.

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

LIWI 22:33

Ku a hünzom Zang ang ngo angkya hanpakma kue hünzom a Ijip nok tokya alaile apüipu. Ku a Jowanpa changle.”

LIWI 26:45

Jowanpa, ku a hwom Zang ang ngo angkya kuxma, kue Ijip nok chaxwan tokya hwom alaile apüipu, ija tokhange kue ku khünakbu chaxwannu nok hato ahole, hwom hopu hwom füi tsaotsütkya ku Tsaotsüt tamchatle azünle zingüi.”

HUAKE LAIPEX 15:40

Osutua-e hünzom ang ku kaxtombu texle atak ang tomüi, ilaxle hünzom a komkaile ku kux ang achangle ngoüi.

1 SAMUEL 6:20

Ikhoma Bethshemesh angkya khünakbue thüi: “Ija ningkya otsao Zang, Jowanpa tunthoma owa ajong thoüi? Keme chix kem füi atsaile ojongto apaoüi?”

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

LAIPAO 22:30

“Hünzome maihu hia chun khama owangma puxkyabu ku ang koxhüi. Owang ma puxkya tüichongsa honu füi nyix anüt ngo ang tomkox, ilaxle nyix achyet lükya to ija ku ang tö koxhüi.

LIWI 19:36

Tuak thütpongma dangzem ajitle, jandwon hia thütkya jali tomwüi ajitle thütlax. Ku a Ijip nok tokya hünzom alaile apüikya Jowanpa hünzom Zang changle.

LIWI 20:7

Malailai to tsaole ngolax, chemthüikoxle ku a Jowanpa hünzom Zang changle.

JIHUSUA 24:19

Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.