LIWI 11:24 - OTSAO BAIBEL (BSI)

^24-28 Hünzome müimang ibu to twonle jangchang thüiningle, hanhomma thule nang chitsaokya ang ngoüi: osok füikya müi pangwüi, ibu ochisok afile chitüi tamchu ibue osüt shaole chisax, üntoxle ocha ali zaikya müi pangwüi. Nange iningkyabu müimang nwonle jangchangdao, nange nang nyi-za so angkya changle, ikoxlechu hanhomma thule nang chitsaokya ang ngoüi.

LIWI 11:24 ပူးပေါင်းရင်းမြစ်များ

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

KOLOSI 2:20

Hünzom a Khrista füi tomle zidaokya ilaxle ija zangfang apünkya chasabu chak tokya dandaoa. Jangchangba, hünzom büthüikya to ija chaxwannu kux ningle ngo angkya?

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

ISAIA 22:14

Jowanpa Khüthak Zang, chix jaoe ku füi akaxle thüi: “Hwom ozün ma ngokya kopkya ija ochax hwom ang thailak tüiüile münchang. Ku, Jowanpa Khüthak Zang-e ija akaxdaoa.”

LIWI 11:31

Owapange ijabu to chichangba ibu omangbu to twonle changüihex, ija khünak a hanhomma thule chitsaokya ang ngoüi.

LIWI 11:8

Müi ibu omüi taxsax chichangba ibu müimang to lyetle taxchang; ibu a chitsaokya müibu changle.

LIWI 11:23

Ikoxlechu ozang füikya zünmok hixkyasabu tamchu alyangle ahamkya pangwüi chitsaokya ang laxüi.

LIWI 22:4

“Arun sixli owaechu, zanglom-ma ma otsao ang machang tanto, tsangtsa khwon mak füikya mixe tamchu oti-jenle paole ngokya mixe otsao tö sax angkya münchang, chitsaokya müimang to twonkya chichangba oti jenle lai ngo pongma,

LIWI 5:2

Nange chitex-chile le zanglom ma chitsaokya oli to twonle jangchang, thütba: Müimang ningkya to, nange chichang fang changle hüidaoa ma thaikya awanle hüikya füi tomle nang a chitsaokya ang changüna.

LIWI 7:21

Ilaxle owawae chitsaokya jali to, khünak chitsaokya mix towüi changlax chichangba chitsaokya müi towüi changlax tamchu chitsaokya zünmok towüi changlax lyetle jangchang thüiningle, ilaxle Jowanpa ang koxkya tumüi tö saxle jangchang thüiningle, ija khünak a ma othom kha angkya alai angkya changle.

LIWI 14:46

Ija hom hakle tüipongma owawa nople le jangchang, chix a hansong kople otsao münchang.

LIWI 15:5

Owawae ija chix lya to lyetle jangchang

LIWI 15:6

chichangba chix thungkya jali to lyetle jangchang, ija khünake manyi-maza so angkya changpu ilaxle tichu ajo angkya changpu. Chix a hansong kople chitsaokya ang ngoüi.

LIWI 15:7

Owawae ija oti jenle ngokya mixsün to twonle jangchangdao, chixe manyi-maza so ilaxle ti ajo angkya changle, ifüima chix a hansong kople chitsaokya ang ngoüi.

LIWI 15:8

Tsaothale ngokya owawa to ija oti jenle ngokya mixsüne thuak-thuakle jangchang, ija mixsüne ma nyi-za soüi ilaxle ti ajoüi, ifüima hansong kople chix a chitsaokya ang ngoüi.

LIWI 15:10

Ija mixsün ngwotnui tüntong to owawae twonle jangchang thüiningle, chix a hansong kople chitsaokya ang ngoüi. Owawae, ija mixsün ngodaokya tütali nwonle jangchangdao thüiningle, chixe ma nyi-za soüi ilaxle ti-lak ajole changüi, ifüima chix hansong kople chitsaokya ang ngohomüi.

LIWI 15:11

Ija oti jenle ngokya mixsüne chak chiatsux homtoxle owawa to twonle jangchang, ija khünake ma nyi-za so ilaxle tijo-chaktsuxle changüi, ifüima chix hansong kople chitsaokya ang ngole hüiüi.

LIWI 15:15

Ikha angkya nguapae tuita ochax tö hanpak ang koxüi ilaxle ata a zokle ashunkya tö ang koxüi. Ile ija mixsün hanpakma khongaile tsao angkya zom zingle koxüi.

LIWI 15:21

Owawae she jipkya lya chichangba she ngokya ngwotnui tüntong to twonle jangchang thüiningle, ija khünake manyi-maza soüi ilaxle hansong kople chitsaokya ang ngoüi.

LIWI 15:27

Owae ibu to twonle changüihex, ija khünak a chitsaokya ang changüi. Ija khünake manyi-maza sole tijo-chaktsuxle changüi, ilaxle ija khünak a hansong kople chitsaokya ang ngoüi.

LIWI 16:26

Faokha to Azazel hato zwon jwonle apaokya mixsüne thongnui to chatüi thoma ti-ajole nyi-za shong-lüi angkya changle.

LIWI 16:28

Ija zokle ashunkya mixe thongnui to nguiüi thoma manyi-maza sole tijo-chaktsux kop angkya changle.

LIWI 22:5

chichangba chitsaokya müi hia chitsaokya khünak to jangtwon daoba nguapa owawachu chitsaokya ang achangpu.

LIWI 22:6

Nguapa owa chitsaokya ang achangpuix, chix a han-ahomle chitsaokya ang ngoüi, ilaxle ifüima ngaxchu ti ajole machang tanto chixe otsao tö kha angkya tütalichu sax ang müntho.

HUAKE LAIPEX 19:7

Ifüima, chixe ma nyi-za soüi ilaxle ma to alüile chixe ti füi liüi; ilaxle tix chix a pom to dong ang thoüi, ikoxlechu zanglom ma chitsaokya ang hansong kople ngoüi.