LIWI 10:6 - OTSAO BAIBEL (BSI)

⁶ Ifüima Mosa-e Arun üntoxle sasün Eliazar hia Ithamar hwom ang thüi: “Hünzom mangsop mongma aho ang, hünzome ma kho chishit ilaxle manyi-maza akyetle taxchang. Hünzome ile jangmok hünzom a ziüi, ilaxle noknu füi Jowanpa ang mongmakya tüiüi. Ikoxlechu Israel khünak mamabu a, Jowanpae ahüikya wün ma mik max ang kopkyabu hanpak ang mang sople chang ang tsuak.

LIWI 10:6 ပူးပေါင်းရင်းမြစ်များ

JIHUSUA 22:18

Hünzome chix man taxtongohax le hia? Anyix hünzome chix zan to kale jangchang, ngainyix Israel nok pangwüie sikngün apong angkya changle.

JIHUSUA 7:1

Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)

HUAKE LAIPEX 16:22

Ikoxlechu Mosa hia Arun nyie thün haxchi to akhuxlaxle thüi: “O, Zang! Nang a pangnu khüzün otong. Khünak tuitae achaxle le khünak pangwüi füi mongmale hi?”

HUAKE LAIPEX 1:53

Ikoxle, owawa ija Nyihom hato soxkya khoma Israel khünak onok füi ku mongtsik chakjukya chitüi angkya hanpakma ija ziakop ang Nyihom akhople Liwi hwome hwom pombu zaiüi.”

2 SAMUEL 24:1

Mama tukechu Jowanpa ang Israel nok füi mongtsik, ilaxle chixe Dawid makhange hwom hato tingtui apüi angkya tsan. Jowanpae chix ang thüi: “Paolax üntoxle Israel hia Judah angkya khünak huak akiakle changkox.”

JIHUSUA 22:20

Zerah sasün Akhan-e amüt-toxdao-o lükya tuina tüikya makhange kax ma chilaxle ochax lyen; ikhokho ma Israel khünaknue sikngün apongkya texle ataklax. Ija chix ochax khoma Akhan chix tata ahuakle zikya chichang.”

LIWI 13:45

Ngwon kak füikya khünake nyi-za otsyen laxüi ilaxle chix khang angkya kho chu chaole thomüi; ilaxle chixe thakchi tun to chwople koplaxle: Ku a chitsaokya mix! Ku a chitsaokya mix! le akhongüi.

HUAKE LAIPEX 18:5

Ataxkya Otsao Nui hia tö-tsap füikya mwot hünlit ang nang ilaxle hünsa hünzome tsuak angkya oli changpu, ikoxle tix tamchatle Israel khünakbu füi ku ang mongtsik-mongmakya chitüiüi.

MIKA 1:16

Judah khünakbu, hünzome mongkünkya naosombu hanpakma mang sople khang onglax. Hünzome ma alüile ma khang okunbu khang hwonkya ningle hwon ang tomlax, chemthüikoxle hünzom naosombu hünzom chak tokya koplaxle zanda ang paoüi.

JEREMIA 7:29

“Soplax, Jerusalem angkya khünaknu; hünzom kho sexle awütdao. Haxkhobu to mangsop tsai ngaokox, chemthüikoxle, Jowanpa, ku ang mongtsikle ilaxle ku khünakbu chilaxle awütdaoa.

JIHUSUA 7:11

Israel noke ochax lyenle changdaoa! Kue hwom ang fakya kaxtom kax ma chilaxle, hwom ang amütdao-o e thüikya mwot-kat tütali hwome tüidaoa. Hwome ibu ahux, ibu bama kaxthai akax, ilaxle ibu matüi mana füi tomle thomdaoa.

TSAITONG-KAXTONG 33:9

Hwome sisile nang kax ma laxle tüi Nu-pa, tüi-nao chichangba naosom hwom kax ma laxkya thak to. Hwome nang kaxtombu kax ma lax Ilaxle nang Tsaotsüt füi otya ma ngo.

HUAKE LAIPEX 14:6

Ilaxle Nun sasün Jihusua hia Jefuneh sasün Kaleb hokhie mongtsik laxle ma nyi-za akyet

HUAKE LAIPEX 5:18

Ifüima chixe ija mixcha khothwop daüi ilaxle tö an she chak ma danüi. Othuak-ozom apüi angkya tik-khe angkya khaxkya ti nguapae chix chak ma kopüi.

LAIPAO 33:5

Jowanpae Mosa ang khünaknu füi akax angkya kaxtom ile kox: “Hünzom a kax ma chilaxle tüikya khünakbu changle. Ku hünzom füi onox ma thüingaxchu azuile jangchang, kue hünzom komkaile amütle changüi. Athaxpi hünzome ma likwünbu koplaxle achexlax. Hünzom to chemle hwonüihex ija kue wüntsuaklax angpuix.”

LAIPAO 6:23

Arun-e Elishebah lax. She a Nahshon nanao Aminadab sasün changkya. She-e chix ang Nadap, Abihu, Eliazar hia Ethamar hwom bibi puxle kox.

HUAKE LAIPEX 20:25

Arun hia chix sasün Eliazar nyi Hor Haxnukho to dünkox

IZRA 7:5

chix hopa a Abishua, chix hopa a Finehas, chix hopa a Eliazar, chix hopa a Arun.