LIWI 10:3 - OTSAO BAIBEL (BSI)

³ Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

LIWI 10:3 ပူးပေါင်းရင်းမြစ်များ

LAIPAO 19:22

Ku hato hüikya zompu-zangpabu ngaxchu hwom malualua to atsaole kop angkya changle. Ile chichang thüiningle kue hwom to sikangünüi.”

ISAIA 49:3

Chixe ku ang thüi: “Israel, nang a ku da changle; nang khokho ma, khünaknue ku achuaküi.”

LIWI 21:6

Chix a otsao ang ngo angkya tamchu ku mün chiama angkya changle. Chixe ku ang sütli tö koxle idaile chix a otsao chang angkya oli.

HUAKE LAIPEX 20:12

Ikoxlechu Jowanpae Mosa hia Arun nyi füi mongmale ahe. Chixe thüi: “Israel khünaknu tuntho to ku tsak-zong angaile aho angkya hünkhi ma mongong okhonguile chitüikya khoma, kue hwom ang koxüihex-ole tsaokya haxtok to ngui ang hünkhie hwom lom münazuiüi.”

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

TSAITONG-KAXTONG 32:51

chemthüikoxle Israel khünaknu pomtho ma hünkhi pangnyie ku to mongong chithom tsuak. Chemtue hünzom a Meribah ti ma tüikya hex, Zin faonu angkya Kadesh tingnu zui ma-a, khünaknu tunthoma nange ku ada.

ISAIA 52:11

Hünzome Babilon dantox angkya münthaile tsingkoplax, zangshwom-hom tuina kople tüikyabu hünzom pange wüi! Taxtwonle atsaokya oli to taxtwon; ibu füi hünzom atsailax ilaxle otsao ma ngolax.

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

1 SAMUEL 6:20

Ikhoma Bethshemesh angkya khünakbue thüi: “Ija ningkya otsao Zang, Jowanpa tunthoma owa ajong thoüi? Keme chix kem füi atsaile ojongto apaoüi?”

LIWI 21:21

Nguapa Arun sixli tsangtsa longkha je-kwomle tüikoxlechu chixe ku hato sütli tö apüile tö kox ang tsuaküi.

LIWI 8:35

Ilaxle anyixning hia awünningle hünzom a nyihom mongto ngo angkya changle Hünzom zikmüt mangkho chitüi angkya hanpakmale Jowanpae kaxtom fakya ningle moklax; chemthüikoxle ku ang ile chang ang tomkya changle.”

EZEKEL 20:41

Hünzom chiakle tüikya haxtokbu tokya kue hünzom apüilaxle asox-atom ang tomkya füima, hünzome apüilaxle zokle ashunle koxkya töbu kue pongle kopüi, ilaxle jatlibue ku a otsao changle le ngün ang kopüi.

LIWI 22:9

“Kue koxkya wanlombu nguapabu noke wüi thom angkya oli changpu. Ile chichang thüiningle, hwom thaiüi ilaxle ziüi, chemthüikoxle ija ahwom otsao wanlombu chitwonkya changle. Ku a Jowanpa ilaxle kue hwom otsao ang zingpu.

LIWI 21:17

Arun füi akax angkya kaxtom koxle thüi: “Nang sixli owa tsangtsa ma thaikya tüile changlaxpuix, chixe ku ang sütli tö kox angkya oli münchang. Ija wanlom a tsüntsün to ngoüi.

LIWI 21:15

Ile chichang thüiningle, sasün hwom opang otsao ang changsehex, hwom a wanlom ma chitsaokya ang laxüi. Ku a Jowanpa, ilaxle chix a kue Nguakho ang süile dankya changpu.”

LIWI 21:8

Khünaknue nguapa a atsaole lax angkya oli, chemthüikoxle sütli tö ku ang chixe tix koxpu. Ku a Jowanpa, ku a otsao changle ilaxle kue ku khünaknu otsao ang zingpu.

EZEKEL 42:13

Ija mixsüne ku ang thüi: “Ija longhom pangnyi wüi otsao changpu. Jowanpa ngwotnui to dongkya zompu-zangpabue ibu ma otsao tö sütlingbu sax-lingle.

MÜNCHUAK-TSAI 39:9

Ku dangle ngoüi, kue kaxfa tuita münzex, chemthüikoxle iningle ku sikngün ang tomkya a nang changle.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

MATHI 10:37

“Owae manu hia mapa to ku khüthak le mongkünüi hex, chix a ku wangshem ang achang koxle münasu; üntoxlechu owae masu masa to ku khüthak le mongkünüi hex, chix ku wangshem ang changkoxle münasu.

EZEKEL 28:22

Jowanpa Khüthak Zang kue hwom füi chemle akaxpuix, ija ku kax ikha ma tüikya khünakbu hama wünkox: Sidon, ku a nang zanpa changle, nang to chemle hwonpuix, ija bama khünaknue ku achuakle changüi. Nang ma ngokya khünaknu to zothuple changkya makhange otsao changle le ahokya tokhange hwome ku a Jowanpa changpule awanle laxüi.

JOB LAIPEX 2:10

Job-e lan: “Nange ongat kax akax ngole! Chemtue Zang-e müikya oli kem ang koxpuix, keme pongle koptüi; Jangchangthüiba chixe kem hato sikngün ahüikya zuma a keme chix ang omale büthüikoxle thüiüi?” Chixe ibibile sikngün apongle hüikoxngaxchu Job-e Zang zongto oma chemchu chiakax.

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”

1 SAMUEL 3:18

Ikhoma Samuel-e chix hama pangwüi wünle kox; chiwün homle chemchu chitox. Eli-e thüi: “Chix a Jowanpa changpu; chix zongto chem müipuix ija chixe chimok homle chitoxüi.”

LAIPAO 14:4

Kue chix ang mongtsak ang tomüi ilaxle chixe hünzom to achuaüi, ilaxle kue wanghompa hia chix süpahibu to anaole changkya zuma ku achuaküi. Ijama Ijip nokbue ku a Jowanpa changpule awan ang kopüi.” Israel khünaknue hwom füi akaxkya ningle mok.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

JUHAN 14:13

Ilaxle hünzome ku mün ma chempang juüi hex, ija kue moküi; ile Hosa ma Hopa fuazangle naxchang ang.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

ISAIA 39:8

Wanghompa Hezekiah-e ija a chix din ma tumüi-lomkhaole ngo angkya kax changüile thütlaxle chixe lan: “Nange ku hato Jowanpa tokhange ahüikya kaxho a müihule.”

LAIPAO 14:17

Kue Ijip nok mong tsakle chang ang tomüi ilaxle hwome ibu mantole azuiüi. Wanghompa hia chix süpahibu, chix man-kanlin hia ibu zopkya khünakbu, ibu pangnu to anaokya tokhange kue achuak-achenkya kopüi.

LAIPAO 30:30

Ifüima ibu füi Arun hia chix sasün hwom to pakox, ilaxle ku thothale zomzing angkya hanpakma hwom nguapabu ang achangle kamle atsaokox.

HUAKE LAIPEX 16:5

Ifüima chixe Korah hia chix füito azuikya khünaknu ang thüi: “Ngainop swomsae, kem opupu chix kux changpuix, ija Jowanpae ahoüi! Chixe owa chix kux changpuix, thüikoxle chixe zünle kopkya khünak opupuhex, ija khünak a chix tö-tsap hato ngui ang tomüi.

MÜNCHUAK-TSAI 148:14

Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. Jowanpa achuak kox!

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

EZEKEL 40:46

ilaxle shuakux chito thale tüikya nui a tö-tsap ma thothale ngokya zompu-zangpa hwom ngwotnui changpu. Zompu-zangpa hwom a pangwüi Zadok sixli hwom changpu; Liwi hwom khama Jowanpa ngwotnui to donglaxle chix thothale chang angkya hwom tix zünle koppu, le ija mixsüne ku hama akax.

LAIPAO 19:24

Jowanpae lan: “Julax, ilaxle nang füi tomle Arun dünhüi. Ikoxlechu zompu-zangpabu hia mama khünaknu a ku hato ija longzi akaile chihüiüi; ile jangchang thüiningle kue hwom ang sikngün apong ang tomüi.”

MÜNCHUAK-TSAI 39:10

Ibobo ma ku-zo owüi thupünfa! Nang chakthom fang ma ku ziüi khakha.

MÜNCHUAK-TSAI 93:5

Jowanpa, nang wanlombu ma oshuk müntüi, tsün-tsün to nang Zangshwom-Hom a otsing tomtata ma otsao changle.