LIWI 10:19 - OTSAO BAIBEL (BSI)

¹⁹ Ilaxle Arun-e Mosa ang thüi: “Hulax, anyix khünaknue ochax tö hia zokle ashunkya tö Jowanpa ang koxdaoa; ilaxle kue athaxchu iningkya thama apong ngopu, üntoxle anyix kue ochax tö saxdaopuix thüikoxba Jowanpae ija pongle kopsecha hex?”

LIWI 10:19 ပူးပေါင်းရင်းမြစ်များ

LIWI 9:12

Ilaxle chixe zokle ashunle tö kox angkya müi lang; ilaxle Arun sasün hwome chix ang aji kox; chixe ija tö-tsap akhople sak.

LIWI 9:8

Ikhoma Arun a tö koxnui hato ngui ilaxle chix ochax hanpak ang kox ang apüikya maihupongsa lang.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

MALAKI 1:13

‘Ibu mokle ngokyae kem müimamale na-juale max ang tomle!’ le hünzome thüitüi ilaxle ku füi mongtsik-mongmale changtüi, ikoxle nange ku hato tö ang kox ang ahuxkya müi hia ocha faikya müi apüitüi. Ija kue nang chak angkya pongle kopüile nange thütpia?

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

HOSIA 9:4

Ibu mixnok chaxwan to hwome Jowanpa ang grepti-ju tö kox ang chithoüi chichangba chix hato hwom töbu apüile zokle ashun ang chithoüi. Hwom saxpupu pangwüi ija süte hwom chitsaokya ang achangüi, ija a mangtsa süt tuita ningle changüi. Ija a hwom woknuak amüi angkya hanpak zaza ma twonüi; ikha angkya tuita chu Jowanpa Zangshwom-Hom to tö tuita ningle münapüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

IBRI 9:8

Ibu acha achwonkya pangnu makhange, kotho angkya Nyihom ajongle tüikya kople Ataxkya Otsao Nui hato ngui angkya lom madaple Otsao Chasa makhange tsaotha le anwot-ano.

IBRI 7:27

Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

ISAIA 1:11

Chixe thüi: “Hünzome ku ang koxle hüikya töbu kue lomle le hünzome ajangpuix nyi? Hünzome ku ang tö koxle zokle ashun ngokya chunbu hia müizaobu füi süluile ku ma tüipu. Ku a maihupong, chun hia zwon ibu aji füi aole shuüna.

TSAITONG-KAXTONG 26:14

Kue ku mongmaxle sople ngopongma ngaxchu ikha angkya tuita münsax. Ku zanglom ma chitsaole asu pongma, ku homkha angkya kue ija tuita chu chialai. Kue ikha angkya tuita chu chapabu to jop-tole chikox. O Jowanpa! Nange ku füi bünfong bama adangle fakya pangwüi mokle changdaoa.

TSAITONG-KAXTONG 12:7

Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

LIWI 10:20

Ilaxle ija kax atatkya zuma Mosa ang mongzom müi.