LIWI 10:13 - OTSAO BAIBEL (BSI)

¹³ hünzome ija a otsao nui ma saxlaxle chang angkya oli changpu, chemthüikoxle ija a zokle ashunle Jowanpa ang koxkya süt tö kha angkya nang üntoxle hünsa hwom süntom changle. Ija a Jowanpae ku ang koxkya kaxtom changle.

LIWI 10:13 ပူးပေါင်းရင်းမြစ်များ

LIWI 6:16

Ota tüikya a nguapabue saxüi. Ija a twonkhax chiawon homle an lum ang zingüi ilaxle otsao nui ma saxüi, ija a Jowanpa ngwotnui Nyihom nya-o ma changüi, Ija a Jowanpae nguapabu ang süt tö koxkya kha angkya hwom süntom ang koxkya changpu. Ija a ataxkya otsao. Ija chuwüi ochax tö hia Zang süntom töbu ningle otsao changpu.

LIWI 2:3

Ile saxziak tö koxkya füima ota toxkya a Arun hia chix sasün hwom hanpak ang changüi. Ija a wün ma zokle Jowanpa ang tö koxkya khama ataxkya otsao mwot changpu.

HUAKE LAIPEX 18:10

Hünzome ibu otsao nui to sax angkya changle, ilaxle ibu a lükakae tix sax angkya changle; ibu a otsao changpule laxüi.

LIWI 10:12

Ilaxle Mosa-e Arun füi tamchu atale tüikya chix sasün Eliazar hia Ithamar nyi ang thüi: “Zokle ashunle Jowanpa ang süt tö laxlaxle ilaxle ija makhange twonkhax chiawonkya an zinglaxle ija tö-tsap zui ma saxlax; chemthüikoxle ija a müimamakya otsao changle;

LIWI 10:14

Ikoxlechu otsom hia ochung oja nguapabu hanpak ma Jowanpa ang sümüikya hingho ang tö koxle tüipuix, ija a nang üntoxle hünzom homkhae sax ang tsuak. Ija a hünzome zanglom ma otsao nui ma sax ang tsuak; chemthüikoxle Israel khünaknu notom-tusüi tö tuita ang langkya kha angkya, nang üntoxle hünsa hwom süntom hanpak ang ibu koxkya changpu.

HUAKE LAIPEX 5:10

Nguapa pange wüi hwom hato apüile fakya tö a pongle kop angkya changpu.

EZEKEL 42:13

Ija mixsüne ku ang thüi: “Ija longhom pangnyi wüi otsao changpu. Jowanpa ngwotnui to dongkya zompu-zangpabue ibu ma otsao tö sütlingbu sax-lingle.